الجز الثاني من القصايد
اتمنى ان تنال على رضاكم
واتمنى ما ازعجكم صوت الرمي سجل لمشاهدة الصور
....
.......
..........
قصيده يسعد مسا الكثران للشاعر عادل الدعاس
يسعد مساكم يالربـع كـل ليلـه
يسعد مسا الكثران في كل الأوطان
أنـا كثيـري وأفتخـر بالقبيلـه
ولي الشرف لاقالو الناس كثـران
نكسب ومانرضى بكسب القليلـه
جبنا نتايج تسعد الأنس والجـان
فينا الشجاعه والكـرم والدليلـه
تاريخ واضح من قديمات الأزمان
حنـا بنينـا مجدنـا بالجميـلـه
وأجدادنا بالسيف حطو لنا شـان
لامن ركبنا الخيل تسمع صهيلـه
تسمع صهيل خيولنا بكل ميـدان
ويشهد لنا رمح وسيوفٍ صقيلـه
كثران وفي وسط الميادين كثـران
كثـران مافينـا ردي بالقبيـلـه
وثبتنا بالتاريـخ أسـمٍ وعنـوان
حنا عسفنـا وعسفنـا للأصيلـه
حنا شبع من صيدنا الذيب سرحان
ولامن بغينـا النايفـه مانخيلـه
نرقا سما مانسمع لقول غلطـان
نرقـا سمـا ماننحنـي للرذيلـه
الكل فينا مهنته جـود وأحسـان
الضيـف لاجانـا نقـوم نعديلـه
حتى ولو كان الزمن حيل محـلان
ولجارنـا مثـل الخليـل لخليلـه
وعدونا يبشـر بخيبـه وخـذلان
عدونـا بالعـون ياويـل ويلـه
وعشيرنا يبشر بعـزه وكرمـان
كثران مافينا مـع النـاس حيلـه
حنا لعصمان الشواريب عصمـان
خضنا معارك ضاريـاتٍ طويلـه
والحرب كر وفر رابح وخسـران
لاشـك مانرضـخ نعـز القبيلـه
بعزم الشباب العز والعز قد حـان
لاصرت متضايق وحالـك عليلـه
أرتك على عيالٍ زحازيح فرسـان
لو جيت عسافـي بهـمٍ تشيلـه
تبشر بفرج الهم لو كـان ماكـان
والخاتمه لامـن بغيـت الثقيلـه
عندك صناديد الوغا عيال نبهـان
يسعد مسا الكثران (يوتيوب2)
العرض العادي
