ماتردا مير خانت به حريمــه 00

كنت اتصفح احد المنتديات التي تختصص بالموروث والقصص
واستوقفتني هذه القصة الطريفة واحبت نقلها لكم 00

××××××××××××××××××××××××××××××××

فيه واحدن صار ضيف على رجال 00 ولقى قدامه رجال سنافي بشوش وجه وترحيبه حار

وقلط ضيفه وقهواه 000

في هالاثناء طرى على المعزب حاجه وبغى يقضيها واستأذن من ضيفه 00

وقبل لا يروح لزم عليه بالغدا وقال له غداك بيجيك 00 وانا بقضي لي حاجه وبرجع عليك

قبل لايروح دخل على مرته 00 وصاها بالغدا الزين 0

والظاهر ان المعزب شدد في الوصاة وظهر صوته وسمعه الضيف 00 تعرفون بيت شعر والصوت
يظهر 00

المهم المعزب راح في دربه وجلس الضيف يتقهوى وهو يتحرى الغدا 000

وهو جالس يتقهوى انطلق عليه ذاك البزر الاقشر اللي حسحس الضو وحاسها

والرجال صابر عليه 0

وفي باله ان الام لاهيه في سواة الغدا وذا البزر مالقى من يمسكه

وجلس مابه الا يدارج ذا البزر مرة ينزره ومره يحايله ومره يفرك مالان من لحمه كوده يستاجع ويذل

ويهجد والا يفارقه ولا فيه فايده 00

وعلى ذا الحال الى ان جاه غداه 00 وقام وخذاه من ورى القاطع وحطه

وطمر الولد الصغير الا هو مرتكز قدامه على الصحن

يد في ( بريمه ) ويد في الصحن 00

والرجال استنكر قلة ادب ذا البزر على الصحن ودرى ان امه ماربت بزرها لانه في حكمها لصغر سنه

يوم ذاق الغدا الا هي الطامه جريش مهيب زينه سواته ولافيه ايدام ومكملها ذا البزر

المنفلت اللي ازعجه وحاسه 0

وقال هالابيات :


ماتردى 00 مير خانت به حريمه
0000000000 مــــــاتريّض لين يقضي لي غدايه

حط لي لقمة جريش الله يــــديمه
0000000000 مـــاعليه إيدام يلصق في حشايـــه

انهبه والورع ينفذ في بــــريمه
0000000000 واغداي الشيــــن واخيبة رجايـــه

خابرينٍ ما ورا رفعـــه عزيــمه
0000000000 ماتثورهـــا العصى فيها خلايــــــه



--------------


وسلامتكم




ومنقول من منتدى بيت الظفير سجل لمشاهدة الصور

بيض الله وجهك

والحرمه هي عمود البيت بلا شك

ان كانت طيبه بيضت وجه رجالها


ومشكور على النقل الجميل

راعي المجاهيم حياك الله

وصدقت باللي قلته

مشكوور على النقل المميز ياخو وضحه

..

اخوك: محمد(اخو فيضه)

..

قصه طريفه سجل لمشاهدة الصور

بارك الله فيك

اتوقع كان اخر يوم لها بذمة زوجها عقب هالعمله الشينه سجل لمشاهدة الصور

لا هنت يا حمود وتسلم يمينك

شكرا لك