هذي قصيدتي اللي كتبتها من اجل الأمسيه وكانت ستلقى نيابه عني لأني غايب غياب قاهر عن الأمسيه وكان ودي اجي لكن الوقت ما سمح انها تلقى بالنيابه عني او ينشدها احد المنشدين
أبعتزي يا ناس وان قلت لامي = ثار القصيد وصار للمجد عنوان
حامي قصيدي وبقوافيه حامي = لا ثارت العجّه ولا ثار دخان
رجالنا عند اللقاء ما يظامي = يكسر بسيفه كل حاسد وخوان
يكفيك ابن عروج دون الكلامي = ولزّام اخوه اللي قدم وسط فرسان
كبيرنا لا قال مامن ملامي = وصغيرنا بالمعركه دوم كسبان
ربعي كرم عز ومكان ومقامي = عند الفضول وآل مظهر وكثران
كل الثناء والمدح والأحترامي = فيكم ومنكم وافيٍ دون نقصان
وذكر المغيره بالفعول العظامي = مذكورةٍ افعالهم دون نسيان
فيكم وفاء يالابتي يا حزامي = لو ينذكر كله يفزون عربان
هذا كلامي وآخره يا سلامي = على الرجال اللي يسمون شجعان
القصيده الممنوعه من الأمسيه :)
العرض العادي
المواضيع المتشابهه
