نايف بن مدرهم بن قبلان الكثيري

الطيب بين النـاس يحتـاج تحليـــــــل
والعلـم ثابـت والرجاجيـل قــــــــــدام


وانا علي اعطـي للامثـال تمثيــــــل
واقـول لاصـارة مفاهيـم واعــــــــلام


النور واضح مادخـل فيـه تضليــــــل
نور العقول اللي لها الطيـب مقــــدام


نايف ولد من يركب الكنـس الحيــــل
اللي على العيرات بالشرق والشـام


حاز المفاخر مارضى يرقـد الليــــل
من نار بن عروج في طيـب لـــــــزام


والغزوة اللي تتعب الجيش والخيـل
محدٍ غزاها غيــــر مقـدم بنـــــي لام


وابن الكثيري من سيـوفٍ مصاقيــل
من راس عودٍ من صعاصيع ضرغام


ودارة ودارة والليـــالـي مقــــابـيـــل
تظهر علوم الناس عــــامٍ بثـر عــــام


ونايف برز مثل الجبل بالرجاجيــــل
احيا مئاثر كـــادت اتـــروح احـــــلام


ابومحـمــــد مـن صقـورٍ مداهـيــــــل
يكفخ بجنحان الســعـــد فوقنـــا حـام


راس الطناخه من زحولٍ حلاحيــــل
مطنوخ والمطنوخ في صدره اوســام


وخوالـه العتبــــان ذباحـــت الحيــــل
وعمامه العـروج ياطيــــب الاعمــام


ياطى على الصعبات مايشكي الميــل
ويدخل على الغبات لوكانـت الغـــــام


من نجد من نبع الرجـال المشاكيــــل
اللي نهـــار اللازمـه درع وحــــزام


قــدام وجهـه يفتـــحـن المـقـافـيــــــل
من طيب قلبه يرتكز ساق وعظــــام


يطول عمر اللي عطى البن والهيـــل
قيمه ومعنـى ماحصــل فيــه مثـــلام


سمر الـدروب ومكثـرات البهاذيــــل
ماوقفن معشـوق مـن حطــة الثـــام


ولوغاب نجم الجدي مانفقـد ســهيــل
كلٍ يشـوف النجم في ليــل الاظــــلام


شيخٍ لك الصعبـات كلـه تســاهيــــل
تعتز من عــزك صـناديـد وحشـــــام


اهداء من الشاعر علوش الشمري الى
الشيخ/ نايف بن مدرهم بن قبلان الكثيري

صح لسان الشاعر/علوش الشمري
ولا هنت ياواحد من الناس ويستاهل ابو مدرهم المدح
ولكن انا لي رد ومجاراه لقصيده/ الشاعر علوش الشمري ليه مانزلته

تحياتي الصادقه لك

صح السان الشاعر ويستاهل ابن مدرهم النوماس

ابو طارق على عيني وعلى راسي بس والله الموقع اللي نقلت منه القصيده ما كان فيه رد منك ولا قصيده


فياليت تكتبها لنا الله لا يهينك

صح السانه ونايف يستاهل