|
|
( الشرطة النسائية , و مخفر الظهــــر ) !!
السلام عليكم
بعد عطلة النواب والحكومه ,
بالعافيه عليكم الزبداني و زلمسي والقاهره وبحمدون !!!
هدأ الوضع السياسي , في البلد !!
رغم بعض التصريحات , لرئيس مجلس الأمه / جاسم الخرافي !!
ولكن لن يأخذ بها !!!
المهم ماعلينا بالنواب ومشاكلهم ,وبلاويهم !!
قريت هالتصريح , قبل كذا مده في , أحدى الجرايد , بالانترنت طبعا !!
وضحكني حيل حيل والله , !!!
شنو يقول التصريح !!
مؤكدة أن خريجات الدورة المقبلة في أكاديمية سعد العبدالله للعلوم الأمنية سيتم توزيعهن على دوريات النجدة والمرور'، ما يعني نزول الشرطيات إلى الشارع وفرض الأمن والقانون.!!
سجل لمشاهدة الروابط
يعني !!!
باجر , بتفتيش , تلقى المقدم / أم عدنان !!!
على طريق بنيدر !!
مسويه , نقطه ثابته !!
هي ويا الملازم أول / دانه !!
والوكيل ظابط / عمشه !!
والوكيل عريف / رفعه !!
هههههههههههههههههههههههههههه
عن جد عن جد شي كتير كتير مش مهضووووم !!
وقعدت ويا نفسي , وأنا أفكر , وأفكر , وأفكر !!!
لي ما نمت , من كثر التفكير !!
وفجأه تحلمت :
الان الساعه 1:30 الظهر !!!
التاريخ 20 / 6 / 2017 م ....!!!
طالع من الدوام , على فورد جراند ماركيز larg ابوشاشه الجديد طراز 2016 !!!
والمطلوب من بنك بوبيان الاسلامي بـمديونية مبلغها 13,750 الف دينار وسبعمائه وخمسون ديناراُ فقط لاغير , ....!!!
بعد أرتفاع الاسعار , وزيادة الرواتب , وظهور المركز المالي والاقتصادي للبلد !!
المهم !!!
طالع من الدوام وفجأه , الا صني موديل 2010م !!
داشه فيني من ورى , بعد ما تجاوزت دوار الجوازات ومتجه على الدائري العاشر !!!
عشان أروح لمدينة صباح الاحمد !!
طبعاً بيتي هناك , اللي ضافني أنا وعيالي الخمسه الوحوش !!
وفجأة , الا الصني , مجلبه فيني من ورى , وطق راسي بالسكان وطاح العقال !!!
أه , وأه يا طيحت عقالي !!!
بحق والله , يافهد !!!
عقالك يطيح , ومن منو , من صني ( تافهه ) !!
المهم , !!
نزلت , وأنا معصب , ومتنرفز !!
سيارتي الجديده أندعمت !!!
يا ألهي , بعد مرور أكثر من 20 سنه , ولله الحمد !!
وسجل مخالفاتي في مرور محافظة المباركية ( أبيض ) !!!
ملاحظه : المباركية محافظة جديده بعد أقرار المجلس وموافقته على أنشاء دائرة جديده تقع بين الخامسه والرابعه !!!
رأيت منظر الدمار, والاسطاب المكسور , والسنسر التالف والكاميرا الخلفية !!!
أه , الموتر غالي !!
منو يعوضني !!!
فكرت , وفكرت !!!
تذكرت أني مسوي بيمه ذهبيه !!
شامله سعرها 500 دينار !!
من شركة الخليج للتأمين !!!
قلت بس !!! يالفهد !!
حليتها !!!
وصلت سيارة المرور !!!
وتم تخطيط الحادث !!!
وسجلت أثبات حاله في مخفر منطقة السالميه !!
من الملازم أول / شريفه !!
وأتفقنا بأنه كل واحد يصلح سيارته !!
لأني أنا تعديت الدوار والطريق مو لي , وهو داش فيني من ورى !!
رديت البيت !!!
وأنا أفكر , وأفكر يا اخي مخفر السالميه قال روح مخفر منطقتك , ويعطونك ورقة حادث !!
لأنه السستم خربان مال مخفرهم !!
قلت , لا والله تو ماخلصنا يافهد !!!
فكرت أدق على منو , خصوصاً بأنه الربع أغلبهم بالمنشأت وأدارة المراكز الماليه , والاتصالات ...الخ !!
بس , بس . بس !!!
يافهد , لقيتها !!!
اي والله لقيتها !!!
وانا أطلع تلفوني الـ iphone 5 الجديد !!!
وتدور أحداث المكالمه :
فهد : ألو , مساك الله بالخير أبو خالد ؟
ابوخالد : هلا والله ومسهلا , مسيت بمثله , يابو عمر !!
فهد : ابو خالد الله لايهينك , بغيت بس الاهل , يطلعون لي ورقة حادث , لو ماعليك كلافه !!
ابوخالد : أفا عليك , بس يابو عمر تستاهل , أنت أخو , بس عسى ماشر ياخوي !!
فهد : تستاهل الطيب يابوخالد , ماشر , مغير دعمه بسيطه , وابي الورقه عشان أعطيها للتأمين يصلحونها !!
أبوخالد : أبشر , والله , سجل رقم زوجتي عندك تراهي قائد مخفر الظهر !!
فهد : ماشاء الله على البركة سمعت والله , بأنهم رقوها لـ نقيب , والله ماتقصر بنت الحلال !!!
أبوخالد : اي والله ترقت , وجبت لها واسطه عشان تروح مخفر الظهر , تدري عشان تظبط الجماعه !!
فهد : اي والله زين سويت , أبلشونا والله كله أجنبيات وعجم , خير ماسويت والله !!
أبوخالد : سجل الرقم +++++++++ ترى دوامها عصر , دق عليها , وماتقصر وياك !!
فهد : عساك ع القوه والله يابوخالد , وبيض الله وجهك ولاهنت !!
أبوخالد : ماسوينا ش والله , حق وواجب !!
أنتهت المكالمه
هههههههههههههههههههههههههه
والله شي زين ,
زوجة بو خالد قائد مخفر !!
وأخت بو عبدالله , في أمن احدود مركز قرينيص !!!
وأخت قصيرنا العجمي , ظابط مركز خدمة مواطن في ضاحية علي صباح السالم !!
والله شي جميل والله !!!
لا بالله , ماتوهقنا في معاملاتنا , وروحاتنا وجياتنا !!
رفعت السماعه وأدق على أم خالد !!
وتدور أحداث المكالمه :
فهد : دقيت الجهاز مغلق , وأرسلت مسج ( ام خالد أرجو الاتصال للأهميه ) !!
( حشى مو ظابط , عضو مجلس أمه )
وبعد مرور 13 دقيقه !!
دق التلفون , وانا معرق ومتوهق !!
ام خالد : ألو , السلام عليكم منو وياي !!
فهد : وعليكم السلام , كيف الحال أختي أم خالد , عساج بخير , ومبروك الترقيه !!
ام خالد : بخير الله يسلمك اخوي , الله يبارك فيك !!
فهد : أم خالد وياج فهد أبو عمر , رفيج , رجلج أبوخالد , دازني عليج , بخصوص ورقة حادث !!
ام خالد : هلا والله أخوي بوعمر , عاشت الاسامي , حياك الله تفضل مخفر الظهر ودق علي !!
فهد : أن شاء الله يا ام خالد , أصلي العصر وأحرك وأجيج !!!
ام خالد : الساعه المباركه , حياك الله !!
حركت الموتر , ووقفت في عند المسجد , بجانب السوق المركزي لجمعية صباح الاحمد التعاونيه ,
مكان ( الاسطبلات سابقاً )
صليت ولله الحمد , وعينت من الله خير !!!
وحركت متوجه لمخفر الظهر !!
وبعد مرور 18 دقيقه !!
أرسلت مسج فاضي !!!
ودقت علي أم خالد , وقالت لي أنا بالمكتب حياك الله !!!
دخلت المخفر , وسألت الوكيل ظابط , وكانت حامل , عسى الله يرزقها بظابطة صغيره !!!
دخلت على المكتب !!!
ودار الحديث :
فهد : السلام عليكم , ياهلا ومرحبا أم خالد شلونج !!
ام خالد : هلا والله فيك وعليكم السلام , أخوي بوعمر , شنو تشرب !!
فهد : الله يرضالي عليج والله , قهوة فرنسيه , سكر زيادة !!
ام خالد : حاضر والله , شركة , شركة .... نعم ماما , جيب اثنين قهوة فرنسي سكر زياده وماي !!!
فهد : اي يا ام أخالد , أنا سويت حادث بسيط , وبغيت ورقة حادث ,عشان أقدمها للتأمين , ويا ليت توقعينها !!
أم خالد : حاضر والله يابوعمر , ما نذخر عليكم بشي تستاهل والله , دقايق بس , أجيبها لك وأوقعها !!
فهد : تسلمين والله يا ام خالد , من طيب أبوج والله !!
والله ماتقصر أم خالد , الله لايهينها , عز الله بنت حلال , وتوجب الناس !!
بعد 5 دقايق !!!
دشت علي أم خالد , وعطتني الورقه , وشكرتها والله , وعز الله ماتقصر , ورايتها بيضه !!
خلصنا من النقيب / أم خالد !!!
وأنتهت , أول قصه !!!
من قصص الشرطة النسائية !!!
وأنتظروا سلسلة , قصصنا ومغامراتنا الخياليه , في جهود الشرطة النسائية !!!
منقوووول
|
العرض العادي
المواضيع المتشابهه
