قصيدتين للشارعر : فواز نايف الدويجني الكثيري

03-01-2009, 03:06 PM

((2))

يا بري حالي بري حالي
الي ذبحني ولا سمه
من عقب ماكنت انا غالي
اصبح وامسي على مطمة
شليته يوم انه بجالي
غريق مرمي على الجمه
الله واكبر يا منزالي
يومه بناخي وانا عمه
ويقول لي وش له الجالي؟
واقول له حارم دمه
واليوم يذبح من عيالي
لا و الله ماهو بري الذمه
الي سمعني خذ عقالي
خوذه ابي اكرب العمه
واشد ظهري بموالي
والدم في خشمي اشمه
سرجت حرفي على لالي
والراس يا هاجسي حمه
الذبح و الله تحلوالي
يا ويل منهو ابا اخمه
بقدع براسه وفنجالي
بشربه لو باين سمه

((1))

يا عليل ترى ماني طبيب
طاب حالك عساه يكون طاب
ودي اجر لك مير السبيب
يابدر هايب والطرق هاب
من صباح البدو لين المغيب
كن في بطن اخوك الفين داب
اتلوى من الي هيب هيب
مير نرجي الاجر يوم الحساب
اطلب الله وخلك له قريب
واصعد رجوم تلعات الرقاب
هاك يابو حمد لاقلت جيب
وخوذ راسي وحطه بالركاب
ويش اسوي وانا بين الشعيب
وجتني السيل والليله عتاب
فسر الي بقوله يا اديب
لعنبو حي كل منهم قراب
ليلة بارده وشلون ذيب
يقرب النار ويسيل اللعاب
كل خوفي لا يثبتني ويصيب

املح الموت ويزرفني الغياب

طاب ليلك وانا اسمع طبيب
وسط راسي وخلاني اهاب
صرت ادور على ملجا قريب
وكل ما نمت زاد الارتياب
ارتباكن وخوف وشي غريب
مالقيت اسم له وسط الكتاب
بري حالي وانا وسط الجليب
لا رشاه ولا حيل وخاب
الامل فيك يا حظي النكيب
عزة الله وفى للصحاب
قلبي الي ولافاده ربيب
وبس عيني تعبر بانسكاب
ياغريب وانا ماني غريب
اطلق الطير ويرجعلي غراب
كل ما ضاق صدري ياحبيب
وسع الصدر لي غنت رباب
كلها الف عام بس واطيب!
هانت وما بقى غير الذهاب

03-01-2009, 07:43 PM

بيض الله وجهك ياحمود علي النقل
وصح السان الشاعر
فواز نايف الدويجني الكثيري
لاكن القصيده رقم 2 جايزتلي

03-01-2009, 11:22 PM

صح السااااااااااااان الشاعر

وتسلم يمين الناقل

31-03-2009, 12:24 AM

صــــــــــــــــــــــــــــــــــــــــح لســــــــــــــــــــــــــــــــــــــــــــان الشــــــــــــــــــــــــــــــــــــــــاعر

31-03-2009, 12:46 AM

صح السان الشاعر وتسلم يدينك ياحمود على النقل لا تبخل عليها بقصايد فواز نايف الدواجنه هات القديم والجديد

31-03-2009, 03:30 AM

يحتاج هذا الشاعر البروز الاعلامى يمثلنا شاعر متمكن وبنفس الوقت قصيده سلس وقوى

صح اللسانه وتسلم على نقل قصايده

31-03-2009, 01:17 PM

صــــــــــــــح
لســـــــــــان
الشــــــــــاعر
وتسلم على النقل ياحمود

31-03-2009, 03:14 PM

صـــــــــــــــــــــــــــــح الــــــــــــــــــــــــــــــــــسانك من الاعلى انشاءالله فالك المليون يــــــــــــــــا شاعــــــــــرنه تــــــــــــــــحياتي لك يـــــــــــــــا احمووووووووود

31-03-2009, 03:54 PM

صح لسان الشاعر ولا عابت يمينك يا حمود

31-03-2009, 05:27 PM

صح لسان الشاعر وسلم بنان الناقل
لاعدمنااااااااااااااااااااااااااااااااااك