&&& مايك المنتدى &&&

انقل المايك لابن العم الغائب الحاضر ابوجهاد

اين انت يابوجهاد لا تطول علينا الله لا يهينك

بانتظار ابو جهاد ،،

وين الغيبه وين وين وين الغيبه وين وين

جاري ارسال رساله خاصه لابو جهاد <<<

شكل الرجال غاطس مع العروس

الله ثم الله على هذا الموضوع الدسم

ارجو من اخي الغالي واحد من الناس ان يرشح غير اخي الكبير ابو جهاد لانه شكله مشغول اعاده الله لنا سالماً غانمً

بما ان الامر رجع لي فانا ارشح ابو عساف

أمنياتك

التمني راس مال المفاليس

لكن لا باس

أتمنى أن يعرف الشباب قيمة التوحيد وبلد التوحيد

ولا ينساقوا خلف أصحاب العقائد الفاسدة

أتمنى أن الصيف يخلص بسرعة حتى يرجعون أهل الطايف

أتمنى تطيب ركبتي اليمنى لأنها متعبتني حيل

أتمنى أن الرافضة يتركون المنتديات القبلية

لأنهم عار على القبيلة

أتمنى أن الشباب يقربون سقف الأمنيات ، لأن بعض الأمنيات بعييييييدة جدا

أتمنى أتزوج ثانية ، بس هذي من الأمنيات البعييييييييدة جداً

أتمنى تعطون بعض المشاركين باند ، وأخص أبو جهاد ومهل

الهوايات :

السفر

والنوم في المسجد

والتمغط بعد النوم

رغباتي :

أني أخلص الدورة الحالية

وييسر الله سفرتي القادمة للكويت إن شاء الله

وتطير الحمامة اللي معششة في دريشة غرفتي لأنها فقعت راسي كل صبح

ملاحظاتي :

أولها أنها ملحوظات وليست ملاحظات

قلة من يهتم بالشعر العربي ، وبالذات الغزل

قصيدة

أحفظ بيتين من قصيدة لشاعر فضلي يقول

فضلي ليا ضامه زمانه كفخ فوق == وخلى الهمال وشام فوق الثريا

يصبر على الفرقا ولو هزه الشوق == ويضما ولو عدّ المذلة رويا

وهو نفسه الذي يقول

حنا على الظالم قضا ينسي العجوز عيالها == وأصلا ولا أطلق شنب يقدر على ظلم الفضول

تعريف

عبد الله بن محمد الشلال السويلم

غزاوي فضلي

مواليد عام 1392-1972 في ولاية القصب ستي

السكن في الرياض

حي السويدي

ماجستير سنة

دكتوراه عقيدة

أعمل معلم

وعضو الجمعية الوطنية لخدمة السنة

ورئيس الفريق الشرعي بوزارة الشؤون الإسلامية

وداعية غير متفرغ في السجن

وخطيب جامع

لدي أربعة أولاد

مشاري وعساف

وهها بس ما ني قايل أسامي البنات

وتراني أدور لمشاري عن بنت الحلال

سيارتي فان ديزل تنجيد داخلي كحلي

والمسجل ما يشتغل ولا لمبة السقف

بس البوري شغال

وجوالي n51

وأعطي المايك لعبيد الكثيري

يا مهل
يا مهالوفتش
ترى الموضوع جد
والشباب تعبوا فيه فلا تخرب مواضيع خلق الله
افتح موضوع جديد
وخذ ولد
مع إني ناويك بقصيدة هجاء على كيفك

المهم أجيب على أسئلتك أو بعضها

تقول(أهل هوريشيما )

طيب ، هي هيروشيما
ردد معي : هي رو شي ما
وها الحين بسرعة : هيروشيما
عفية عليك يا شاطر

وبعدين الرافضة مثل الذباب ، ما منهم فكة
فقط تمنيت بعدهم عن المنتديات القبلية لقبيلة بني لام

تقول (إلاّ وش أخبار الليفه والمريول ، عساك فصلت جديد هههههههههههه)
على خبرك
لا جديد تحت الشمس
لكني صرت أكثر خبرة
وأسرع


تقول (أتضامن وأتقاسمها معاك هالهواية ، لكن في المسجد ؟. وناس شاشه وناس طالعه ؟. الله يقرفك يا شيخ)
أولا هوايتي النوم في المسجد وليس مثلك كثرة النوم والتسدح
ثانياً : سالفة شاشه هذا ما عرفتها

تقول عن كوني غزاوي فضلي (جرح مفسّر لا يقبل فيه تعديل خمسين إمام)
صدقت يا مهل وأنت ...


تقول عني (طلعت شايب ياجدوووووووو !)
يس آي دو

وتقول يا مال الثرم (وانا اقول ليه ضربت فيوزاتك ، اثاريك ماخذ اللي ما تتسماش)
وأقول الله يسامحك ، ترى لها ست سنوات يعني تو الأعراض بتطلع
مع العلم أن لها أعراض كثيرة ومنها ضربة الفيوز وشوفة النفس ، ولبس البشت والكحة على جنب ، بس ترى خويك خاطب الجمعة قبل الماضية بثوب بدون بشت ، وتحت الثوب وزرة فيها بوية صفرا لأنه قاعد يصبغ الدرج قبل يروح الجمعة
يعني كلامك صحيح
لكن ما ينطبق علي


وتقول (وفيه شغله ليه ما ذكرتها ؟ شغلتك انت وخليل ؟. اللي تاخذون فيها على كل راس 600 ريال

عسى الله ما يمشي سوقكم ولا تاخذون هـ 600 ريال على اللي نحبه

هذي تبيلها موضوع مستقلللللللللللللللللللللللللللللللللللللللللللللل لل)

هذي لي مدة عنها
وال 600 لخليل فقط
وأنا لي عرقة أهل سدير (جزاك الله خير)
والموضوع مستقل وإلا مستبدل على كيفك


تقول عن سيارتي كلام كثير ومنه (ونسيت لا تقول انك مربي جراذي وعقارب تحت الكشنات ( المراتب ) )
مربي جراذي ؟ّ!!!
ليش أنت شايفني قوطي (واحد مخربها)
بعدين ترى وصفك للسيارة هو وصف سيارات البدو وأنا ولله الحمد ما ني بدوي (معطبها)

إني كوستشن ؟