قصيدة للشاعر دغيم الظلماوي واستفسار

السلام عليكم ورحمة الله وبركاته

مساكم الله بالخير جميع

انا حبيت انقل لكم قصيده ومنها استفسر منكم ...


يا كليب.. شب النار.. يا كليب.. شبه
عليك شبه.. والحطب.. لك يجابي
قلط لها.. ياكليب من سمر جبة
وشبه.. إلى منه غفى كل هابي
حنا علينا جيب ما ها وحبه
وعليك.. تقليط الدلال العذابي
واحرص على جمود.. وإحراق حبه
ياما العرق.. تشوق ع الحب.. ذابي
ودقه بنجر.. تالي الليل.. نبه
يشدي لذيب.. لي عوى.. براس نابي
ودق البهار.. وبهره.. ثم صبه
تصبغ على الفنجال.. مثل الخضابي
ومن يوجعه راسه.. ترى الهيل.. طيه
وليا تقهوا.. كيفة الراس.. طابي
باغ.. ليا شبيتها بالمشبة
تجذب لنا.. ربع.. سراة.. غيابي
لو هم بعيد.. شوف ضوه.. ينبه
ولي هم قريبين.. بنبح الكلابي
بنسرية.. يا كليب.. يا شين.. غبه
لي نسنست.. يا كن به.. سم دابي
سراة ليل.. وناطحين مهبه
متلطمين.. وسوقهم.. بالعقابي
لي جاضع "المنزوع".. خطو "الجلبة
يا حلو.. خبط أعصيهم.. بالركابي
اطمر لهم.. وابدي سلام المحبة
لي شخ بالهين.. عريض العلابي
سلام.. أحلى من شهاليل "جبة"
واحلى.. من السمن الجديد العرابي
الوالمة يا كيب.. عجل يصبه
والرزق.. عند اللي يجيب السحابي
صبه.. لقرم.. صرفته ما حسب به
يوم البخيل.. مكنهب الوجه.. هابي
وصبه.. لمنعور إلى جاه.. نبه
يرخص بعمره.. والدخن له ضبابي
وعده.. عن اللي ما يداري السمبة
اللي يدور.. بالقصير.. الغيابي
خطو الولد.. يا حيف.. ما ينحسب به
يأتي عليهم.. من حساب الزهابي
حتيش.. لو يلبس زبون وجبة
معيرة.. غلى غضير الشبابي
إذبح لهم.. كبش.. عريض الملبه
ومن مضرب السكين حتى الركابي
كم كبش مصلاح.. لك الله.. نجبه
ولو زودوا فيه الثمن.. ما نهابي
مع الشتال.. مزين طبخ حبه
والعذر مع هذا.. وزين الجوابي
يا كليب.. خذ علمي.. وبالك تذبه
افهم نبا.. من هو عطاك الصوابي
وصابر.. ترى ان الصبر.. يازين غبه
يرقيك روس امشرمخات الهضابي
ومن لا صبر.. يا كليب.. في حكم ربه
هذاك.. ما له عند ربه ثوابي
ويا قلبي اللي.. تقل ساجح بضبة
ضبة مسامير.. الاستاد النشابي
ويا عيني اللي.. صبت الدمع صبة
صبة غروب.. عدلت للجوابي
والموت.. لولك حوطة.. تقل غبة
يخر دبسه.. مع عروض الخوابي
يقعد لعمرك.. والمواشي يكبه
لو أن مالك.. كثر طش السحابي
ولا لك منه.. إلا ذراعين خبة
وعشر.. وما مدت يمينك.. يجابي
يا رب.. ناخذ تالي العمر.. عبه
من قبل.. ما ينسف علينا الترابي


الســؤال ...

الشاعر دغيم الظلماوي على حسب معرفت هو من قبيلة ال كثير ..

بس كثير ما يتداول انه شمري ..

وابي الافاده منكم ..

الشاروقي

حياك الله و بالنسبة لاستفسارك

فالشاعر شمري ولكن اسم اسرته يتشابه مع اسرة كثيرية

الظلماوي في قبيلة آل كثير منهم الشاعر رغيان الظلماوي من فخذ المساعيد من بطن النبهان من قبيلة آل كثير و له الكثير من القصائد هنا بالمنتدى

اتمنى ان اكون قد افدتك

شكرا على مرورك العطر

وشكرا على الافاده

بس انا سامع من قبل انه الي ذاع صيته بالقهوه الظلمااوي هو كثيري وانا متاكد

على العموم مشكور يالامير

صح السانك

اخي الشاروقي حفظك الله اسماء العوائل تشابه انت قصدك رغيان الظلماوي الكثيري فعلا شاعر وراعي قهوه
توفي بالكويت قبل خمس سنوات ولكن الشخص اللي انت تسائل عنه هو من قبيلة شمر من فخذ سنجاره

اخوي لو تبحث عن القصة راح تتاكد

تقبل مروري

دغيم الظلماوي الذي له قصة مشهورة مع ابن رشيد

والذي يقول يا كليب شب النار يا كليب شبه

هو الشاعر دغيم بن عيد بن بشر الشلاقي

من الشلقان من الزميل من سنجارة من شمر