الله يسامحك يابو شموخ

راح اقولكم مشكلتي من البدايه..وانتم احكموا الغلط مني والا من ابو شموخ..


انا صارلي خمس شهور ابني بيتي واضبطه ووصلت لاخر مرحله اللي هي الصبغ


وجبت الصباغ ابو صلاح صعيدي الجنسيه


وطلبت منه انه يصبغ البيت


قالي طيب ايه الالوان اللي انت عايزني اصبغ فيها الفيلا بتعتك


قلتله سولي البيت ترخيم..وطلعت

جيت من ياجر لقيته مخلص اكثر من غرفه

قلته معليش ياباشا


مابي ترخيم ابي تعتيق


قالي ماكنت اتكلمت من الاول؟

قلتله ماعليش سامحني وكله بحسابه..

قالي طيب ياسيدي


وراح مسح بالمعجون


وانا رحت عند الربع وقالي واحد من الشباب احسن شي ورق الجدران



وارجع البيت وانا انطر باجر يجي بسرعه عشان لاجاء الصباغ اقوله اني غيرت واني ابي بدل التعتيق

ابي ورق جدران..


لما صار الصبح وقمت من النوم الا الساعه 12 الظهر وانزل للصباغ الا هو بادي يشطب قلتله


صبر لحظه شوي لاتكمل ..



قالي ايه في ايه تاني؟؟

قلتله مابي تعتيق ابي ورق جدران




قالي طب ليه الغلبا دي كلها ماكنت اتكلمت من الاول

قلت له طول بالك علينا وكل شي بحسابه

قال امرنا لله


وراح اشترى اغراض الورق جدران وبلش بالشغل



قلت بيني وبين نفسي انا متردد وللحين ماني عارف شنو اختار صبغ للبيت

خلني اسأل الشباب في المنتدى يمكن يفيدوني

وحطيت سؤالي وكان الجواب عند ابو شموخه


وهذا نصه:ـ

عابر سبيل:ـ هل انت مع او ضد اني اصبغ بيتي لون واحد او كل غرفه لون هههههههههههههههههههه -------------------------------------------------------------------------------- ابو شموخ:ـ كل غرفه لون والمطبخ لون ابيض هل انت مع او ضد المشاركه في كرسي الاعتراف

المهم ادخلت فكرة ابو شموخ براسي وقلت والله فكره حلوه واكيد الشكل النهائي للبيت راح يكون فلته..



ومن باجر الصبح وانزل للصباغ قلتله خلاص يامعلم انا غيرت رايي

والظاهر انه في هذا اليوم كان متهاوش مع احد والا فيه شي الله اعلم



المهم ان الرجال كانت نفسه بخشمه


وقال ايوه ياباشا انت النهرده عاوز ايه ..


مانا عارف احنا مش حنخلص من الشغلانا ديه..

قلتله ابي اصبغ كل غرفه لون..

قام صرخ بوجهي وباعلى صوته قال:ـ


الله ..هو احنا بنلعب والا ايه


ايه المسخره دي

هو لعب عيال والا ايه

يابو صلاح اعمل ترخيم

يابو صلاح اعمل تعتيق

يابو صلاح اعمل ورق جدران

وديني مانيش اعقدلك بالمكان ده


بعد النهارده


انا حسيب كل حاجه ورايا وامشي


وطز بالفلوس اللي حاخدها من ورا الشغلانا دي



وطلع ابو صلاح وهو زعلان ومعصب وماعطاني فرصه اقول كلمه وحده




وقعدت بروحي اطالع انواع الصبغ الموجود وادوات الصبغ


وانا محتار وحزين واقول في نفسي الله يسامحك يابو شموخ على هالاقتراح اللي خلا الصعيدي

يزعل ويخلي شغلي ناقص

وقمت ادور على صباغ ثاني وخذيتلي 4 ايام وانا شغلي متعطل كل مااتفق مع واحد يقولي بعد العيد...


اهني قلت بما ان الادوات كلها موجوده

وماينقصها غير الصباغ خل اصير انا الصباغ واصبغ غرفه غرفه و اخلص شغلي احسن من اني اقعد


انطر العيد




وانا كل هذا وانا اقول الله يسامحك يا بو شموخ ياليتي سلمت من مشورتك



وبديت صبغ..



وكانت الشغله جدا جدا سهله في البدايه خصوصا انه الصباغ مسوي المعجون وخالص..



وصبغت الغرفه الاولى والثانيه والثالثه


وانا فيني طبع اني اذا في بالي شي اسويه مااحب ااجل شغلي



المهم وانا بنص الِشغل ومع ريحة الصبغ والله اعلم تنك صدري وقل عندي التنفس وحسيت بدوخه


وجسمي قام ينفض



وحسيت بتعب شديد وقلت بيني وبين نفسي لي الله ولا مشورتك يابو شموخه



لو اني مو ماخذ رايك كان خليت الصباغ يشتغل وخلصنا



واروح الطبيب وانا بحالة شبه اختناق


ويركبون على كمام واقعد تحت الملاحظه ساعتين بسبب الاختناق وضيق التنفس اللي صار معاي

وانا كل عشر دقايق اطالع الساعه وانا زهقان وابي ارجع البيت



وكل ماطالعت الساعه


قلت الله يسامحك يابو شموخ على هالمشوره اللي ابديت راييك فيها
وياليتنا من حجنا سالمين..



وسلامتكم..



والله يسامحك يابو شموخ



ههههههههههههههههههههههههههه.

ههههههههههههههههه



نهاية رجل شجااااع

حلووووووووووووه يا عابر

ابي اسألك شنو صعيدي الجنسيه يعني مو مصري الجنسيه؟
وبعدين الله يعاافيك ليه كل يوم لك رااي؟
وشنو ذنب ابو شموخه يوم انو نصحك ؟


وتبي الحق؟
ابدااع في سرد القصه

هههههههههه والله موتني ضحك اضحك الله سنك

ايه صح نسيت اقولك تلبس كمامه


المهم الحمدلله على السلامه

وبشر كيف طلع اللون

ونصيحتي لك انتظر بعد العيد ولا تستعجل والنتيجه النهائيه راح تعجبك


بالتوفيق

سجل لمشاهدة الصور

.

الحمد لله على السلامة والبيت شكله مطول على كذا

## سجل لمشاهدة الصور احمد ربك بس هد الشغل لو واحد غيره جان غالك
بس تبي الصج قصتك حلوه .. اكتب غيرها وطلع مواهب بني لام المدفونه سجل لمشاهدة الصور ##

ويسامحك





................