قصيدة للشاعر/ نايف بن محمد الدعيلج الفضلي

قصيدة للشاعر/ نايف بن محمد الدعيلج

بعنوان { .. أهل الجود .. }

ألا يا مرحبـا ترحيبـةٍ تبـرد لهيـب الجـاش=هـلا وأهليـن والأشـواق بالخفـاق جياشـه

هلاوالله بربع لي غلاهـم بالحشـا قـد عـاش=سنين وغيري من الناس في دنيـاه مـا عاشـه

هلا والله وعين لحاف لا والله وعيـن فـراش=هلا من قلب حـيٍ دوم ماهـو ميـت بفراشـه

أنا ما نيب أقوله بـس بالحالـي بوجـهٍ بـاش=وجيـه آل الدعيلـج كلهـم يـا نـاس بشاشـه

ترحب بالفضول اللي كرمهـم للسحابـه نـاش=كرم من حاتم الطائي حشى ماوحيت من ناشـه

سوى حنا عياله من كرمنـا نـروي العِطـاش=قبل نروي من المي الـزلال نجـود لعطاشـه

نقـدم حِيلنـا والعـون للـي عانـيٍ طـراش=شكى من ضيم هالدنيا وعلَـه طـول مطراشـه

يكفينا إلى من ضِرب في حاتـم مثـل ينعـاش=بأبيات الرجال اللـي تحـب العـز وإنعاشـه

إذًا حنا أصل للجود هرج ما يبـي لـه نقـاش=وأن جا زيد والا عبيـد يهـرج أتـرك نقاشـه

ترى الله معطي أهل الجود ميزه أثمن من الكاش=ومن لا حصل أهل الطيب يتعب لو نثر كاشـه

وحنا طيبنـا قـد شـع بيـن الطيبيـن فـلاش=ينومس من نظر عينه يطيـب بكشحـة فلاشـه

يا حيث إنا الفضول نطول فعل ماهو فعل اللاش=كثيـر الهـرج خلينـاه للـي زايـدٍ لاشــه

سل القومَ عن الحجـرِ برُكـن الكعبـةِ نقـاش=فنحـنُ مـن أعدنـاهُ وجمـعُ الكـفِ نقاشـه*

شجاعتنا على العايـل تدكـه دكـة المهبـاش=وفينا الخير مثل الكف ريحـه وسـط مهباشـه

ألا يالله تسـوق لنـا سحـابٍ منعـشٍ رهـاش=تغيث به الفياض اللي شكت من هجر رهاشـه

وأشوف الوسم نز وريح شيحه يعجب القـراش=وراعي البر طابت له عقـب فنجـال قراشـه

وأنا بأطيب لا شفته وأصوت من صميم الجاش=هـلا وأهليـن والأشـواق بالخفـاق جياشـه

*بيت من الشعر الفصيح قابل لتأكيد الرواية والمرجع..

ترى الله معطي أهل الجود ميزه أثمن من الكاش=ومن لا حصل أهل الطيب يتعب لو نثر كاشـه

مليون عافيه لك ياااااااااااااااالقرم

شـكــ وبارك الله فيك ـــرا لك ... لك مني أجمل تحية .

ياسلام عليك ياسلطان من وين تجيب هالقصايد الروعه

ألا يالله تسـوق لنـا سحـابٍ منعـشٍ رهـاش=تغيث به الفياض اللي شكت من هجر رهاشـه


اميييييييييييييييييييييييييييييييييييييييييين

المظهري اللامي

الحر الأشقر

محمد الغزي

شاكر مروركم العطر

والله يسلم لسان الي قال القصيده والي نقلها وانا راسي شاش يوم قريته