صيري له..وضحه ..يصير لج نمر:p

11-12-2007, 07:40 AM

صبحكم الله بالخير ...اذا كان الصبح ...
ومساكم الله بالخير ....اذا كان بالمساء...

المهم موضوعي واضح وصريح ويمكن يزعل بس بأكتبه ....:D
قبل فترة جتني وحده من خواتي تشتكي من زوجها..وبحكم اني فاضيه على قولتها وماعندي سالفه ولا خبره سجل لمشاهدة الصور.. ....على بالها بطلع خبله و بوقف بصفها ضده... تبي اكبر الموضوع ...سجل لمشاهدة الصورسجل لمشاهدة الصور

صح هي اختي واحبها وودي انها تعيش سعيده ..لكن الحق حق ..
بصراحه ::

المرأه دائما تقول اذا زوجها ماعطاها مثلا فلوس ان من حقها عليه انه يعطيها
طبعا من حقها ..واذا ماخلاها تزور اهلها وهني مصيبة الحريم ..
قالت من حقي ...سجل لمشاهدة الصور
وطبعااشياء واااااااجد تقول فيها من حقي عليه ..
طيب انا بسأل سؤال وهالسؤال سألته لاختي بعد ..
ليه مافي مره قلتي من واجبي له .؟؟.ليه كله من حقج وبس ...
انا موقاعده ادافع عن الرجاجيل ...لا هم فيهم اغلاط بعد...بس بوضح وجهة نظر لكل وحده انه مثل مافيه حقوق ترى فيه واجبات انتي ملزومه فيها...
(المهم لما سألت اختي هالسؤال قالت وللاسف اسكتي ..(ياسلام اسكت ليه اجل جايه رازه وجهج تشتكين) ..طبعا ماقلت لها(بيني وبين نفسي ) طبعاااااا
حاولت اكلمها ابيها تفهم اني انا موفازعه للرجال لكن ابي مصلحتها ..ومصلحتها انه يكون راضي عليها .. وانه جنتها ونارها وماراح ترتاح وتهنى بحياتها اذا ماكان راضي ... وان السالفه ماتستاهل زعل والصبرزين..تقولي كلامج مومنطقي ..وموواقعي اصلا لان اي شي اسويه له ماينفع فيه ..قلت لها طيب جربي منتي خسرانه
وبصراحه موضوعهافعلا ماكان يستاهل بس لازم اجاريها لمصلحتها ..

وبعد الكلام واخذ وعطى طرى على بالي نمر ..(الله يانمربن عدوان )..وطبعا وضحه (حي هالحرمه والله)..
قلت..شرايج.. صيري مثل وضحه وجربي ردت علي وللاسف:(
نمر يستاهل بس هو مايستاهل ...
قلت افااا ليه مايستاهل زوجك وابو عيالج مايستاهل ...
تدرون شقالت ..خليه يصير مثله بعدين اصير مثل وضحه!!!!! ...
هي للاسف مو فاهمه ان وضحه اكيد تعبت على ماوصلت لهاالمكانه بقلب نمر...
وانها ماهي يوم او سنه لا اكيد فعلا عانت واتعبت لين حصلت الخير وهالحب منه ..يعني تبينه يصير نمر وماتبين تصيرين وضحه شالفايده..والله تعجبني هالحرمه..وضحه مو اختي :D
والا فيه حرمه بصراحه اذا مشت جدام زوجها ماتعطيه ظهرها ..عجيبه والله ..كل هذا احترام وهيبه لنمر........
.مومثل هالحريم اللي الرجال ماله هيبه ولا احترام .....لا ترى والله مايصير ..موعدل....بنت الناس ماتسوي جذي ..

مهما يكون الرجال لازم له هيبته واحترامه ..((وعلى فكره انتي اللي تخلينه يحترمج وتفرضين هالاحترام)) اذا انت احترمتيه وقدرتيه ..ولاتنسين احترام اهله وخصوصا امه ..عديها مثل امج صدقيني ماراح تخسرين الا بتحصلين كل خير ان شاء الله..
وبعدين العناد وماادراك ماالعناد ..من غير زعل ..هذي مشكلة اغلب الحريم ماني عارفه ليش ..عناد على كل شي وانا مااعم لا والله بس اقول بصراحه الغالبيه ..تعاندعلى اللي يسوى واللي مايسوى ترى العناد مومن صالح الحرمه يمكن تخرب بيتها بالعناد والامثله واااااجد ..لاتخافون ماراح اقول الامثله ...
ادري بتقولون انا ليش اقول جذي ..ماادري بس يمكن لاني عشت وسمعت قصص وظروف العديد من العوايل المحيطه فيني ..سجل لمشاهدة الصور
.. وحبيت اقول هالراي وعساه ينفع كل بنات عمي وحتى الرجاجيل ..
المهم لاانسى سالفة اختي ..بعد كلام وجهد ووصل لزعل ...
بالنهايه ابشركم يعني مااقول اقتنعت ميه بالميه ...لكن على الاقل خذت بعض كلامي ..وهذا بحد ذاته بالنسبه لي انجاز ...
فأنا ابي اقول لكل بنات العم المتزوجات ...والمقبلات على الزواج....
((صيري له وضحه ...بيصير لج نمر ...ان شاءالله ):p

اسفه على الاطاله....نبهانيه ...من مركز علاج المشاكل الاسريه للكثران :D

:p :p

11-12-2007, 09:07 AM

تسلم الأنامل اللي تعبت و اطبعت الموضوع يا بنت العم ..

كلامج جميل و مافي اروع منه .. ذكرتيني بمقولة (( كوني له امةً يكون

لكِ عبدًا )) .. ككل قاعده في هالحياة لازم في من يشط عنها ..

في من الطرفين - الرجال و النساء - اللي ما يبين بعينه اي مجهود و اي

شي ... و في العكس سبحان الله ان عطاه شريك حياته عود حطه على

راسه ..

في ناس تبي تعيش بسلام و تعمر بيوتها و ناس ماخذتها لعب ولاهم قد

المسئولية .. من الطرفين ... اكرر من الطرفين ..

و انا من هالمنبر اقول :D اللي مو قد الزواج من الطرفين لا ايتزوج ..

واللي ماله خلق يعطي من نفسه ووقته لا ايتزوج ..

واللي شايف نفسه و رافع خشمه يا ارض انهدي ما عليكي ادي لا ايتزوج..

واللي ما يبي ايتنازل عشان القطار يمشي لا ايتزوج ..

واللي الزواج عباله وناسه بس ووناسته اهو بس خل يستريح ولا ايتزوج..

واللي يعتقد ان المسئولية تكون على طرف واحد فقط لا ايتزوج..

واللي يمل بسرعه - من الطرفين - لا يظلم الطرف الآخر معاه ..

واللي ما يبي ايتغير لا ايتزوج ..

الزواج مثل علبة الماكنتوش فيه من كل شكل و نوع ..

يبي خوف من الله و نفس طويل و صدر و سيع و ارتباط و التزام و

مسئولية و احترام و سماحة نفس و موده و رحمه و فرفشه ووناسه و

وثقافة و تعليم و تربية و صبر و تريث و حكمة و عقلانية و محاسبه نفس

ومراقبه و ضبط و ربط و ايثار و تواضع و و و .... تعبت :(

والله لو الشريكين عطو و تعاملو مع بعض بفلسفة انا اعطي و اخدم

شريكي وبداخلي احساس ان هالانسان بعد ساعه ممكن افقده ماكان

صار في مشاكل كبيره ... و لو كل واحد فهم دوره بالضبط و اشتغل على

هالاساس كان اضمحلت مشاكل كثيره ..

المسأله مو زفة و شهر عسل و بعدها مع السلامه ... المسأله اكبر ..

اكبر بوايد سجل لمشاهدة الصور

تقبلي تعليقي ... كوني بخير سجل لمشاهدة الصور

11-12-2007, 09:39 AM

نبهانيه

كلامك درر / كثر الله من امثالك يابنت العم ويا ليت كل الحريم مثلك ماشاء الله عليك

تقديري واحترامي

11-12-2007, 11:02 AM

نبهانية هذا الكلام والمره لو تعطيه نظر عينك ما يبين بعينها

11-12-2007, 04:06 PM

مشكوره على النصايح والتوجيهات

وانا من وجهة نظرى ان الطيبون للطيبات

يعني كثر ماكان الرجال طيب تكون الزوجه اطيب منه

واذا تنيذل معاها صارت انذل !!

11-12-2007, 04:21 PM

شكرا وعلى قوالة مايكل ابن جاكسن Thank you ولا تحرمينا ابداعج

11-12-2007, 06:56 PM

لو كل شخص - مرأه او رجل - بدى بنفسه ما صارت مشاكل
لكن المصيبه اذا نصحت واحد يقولك ( اشمعنى انا ؟؟ ليش مو هو ؟؟ )
(( إن الله لا يغيِّر ما بقوم حتى يغيِّروا ما بأنفسهم ))

وفعلا اخوي تركي الطيبون للطيبات

شاكر لج اختي على الموضوع الرائع

تقبلوا مروري

11-12-2007, 10:01 PM

اختي الغاليه ..الكثيرية ..نورتي واجمل مافي الموضوع مرورك اللي عطر هالصفحه ...وكلامج ماعليه اغبار ...تسلمين ..ويعطيج العافيه..

اخوي رشيد حياك الله ...وصدقني الحريم الطيبات واااجد بس لازم نحسن الاختيار...ولايغرك كلامي يمكن لصار الصج ..يصير كله كلام :p
نورت ..

اخوي حمود شدعوه ترى الحريم موكلهم جذي وبصراحه ..حتى الرجاجيل مرات وللاسف ماينفع فيهم...حياك الله ..ومنور ..ياولد العم ..

اخوي تركي مو دائما الطيبون للطيبات ياما رجاجيل طيبين وانقردو بحريمهم وياما العكس وعلى فكره هذي وااجد تصير ...وبعدين الي يبدأبالطيب يكسر عين الثاني ويخليه غصبن عليه يصير طيب ولو كل واحد يطبق نظرية النذاله بأنذل منها هذي ماصارت عيشة يرتاحون ابرك وكل بطريق ...اسعدني مرورك..

اخوي اسير حياك الله اكيد عجبك الموضوع ...عفوا ياولد العم ونورت ..

اخوي الظلماوي ..نورت الموضوع بمرورك وباللي اضفته ..وفعلا لوكل واحد بدأبتغير الغلط اللي فيه ..بتصير المشاكل من الماضي ..
حياك الله ...

11-12-2007, 11:18 PM

يعطيك العافية على النصائح والتوجهيات

واننتظر منك المزيد .. . في حل او علاج المشاكل الاسرية

11-12-2007, 11:22 PM

حياك الله اخوي السامر ....منور ...وعادي اي مشكله انا حاضره :D..عسى الله لايجيب مشاكل ...للكل ...