اللي قدرت احصله من قصايد ال كثير التراثية .

اسمحولي اكتب لكم بعض قصايد اهلنا ...

يعني عندي كم قصيده للعم رغيان ابو طاهر..
وكذلك كم قصيده للعم ايتيم الدلعان ابو مياح ..
وقصيده وحده لجالي الجريد..


راح ابدى بقصيده جالي الجريد ..ويقصدها لولده مضف الاول وكانوا بشيلون.. يامضف مراحنا طول ...
تطرى علينا المراحيلي..
يامحلى مدة الاول..
تسمع رزيم المخاليلي..
راع السلف بالنبى حول..
راجت عليه المظاهيري..


من قصايد رغيان الظلماوي ..

وكان يبي الهجه من دخينه ..وهي عشه ومثل مافهمت انها تعتبر الديره يعني كانوا مخلين اهلهم بالبر وهم جايين لدخينه ..

واهني ياناس من فارج دخينه..
مع فجور الصبح ودعها سلامي..
ساعتين ........واصلينه..
شوفت القرم تسوى له جهامي..
ربعي النبهان وانتم خابرينه..
من شرد بالعمر مايلحق ملامي..
وحده ثانيه للظلماوي واختلفت الاقوال على سبب كتابته للقصيده اللي عنده خبر يقول الاسباب


ياراكب سمحة الذراعان
حمرن من الهجن عمليه..
لجيت رحيل ابن عدوان
لقطان طب الشنافيه..
لاوالله الا انحبس لقطان
صكوا عليه السواريه..
الغوش ركبوا على القعدان
ربي يسمحلهم نيه..
ركبوا على محرق العدوان
فلاح رد الخبر ليه..
ودو خطوط لهل عمان
وصار السعد للكثيريه..

توثيق راااائع وجميل وافيه يا بنت الرجال ....وحماسك يكفينا والله ....

بارك الله لنا بك ..

اخوك

وهذي من قصايد يتيم الدلعان..وهم بدخينه..

ان شبت النار قالوا لا تشبه ..
وان طفيت النار قالولي رقود..
ابي افر شوي بالمنقل واشبه..
غدي حمو النار يدفي لي جدودي..
وان حديتوني على المحرم واذبه..
واجهل النبهان لصرت محدودي..


وهذي ثانيه وهو يبي يروح بالعيد عند اهله بالبر وهو بدخينه..


في نهار السبت شفنا به زهيدي..
صابرن ياذعار لو قلبي صفاتي..
حرك السكان والسايق شديدي..
مع الظلام الليل شب اللايتاتي..
مصبحينن بالجرع ماهو بعيدي..
فيه حفاف الرمث من حد غضواتي..
مطربينن نفسنا بايام عيدي ..
وشايفينن اللعب ورقوص البناتي..

وان شالله اكمل لكم بكره اسمحولي...

حيالله النوخذه والله نور الموضوع بردك ..وشاكره لك المرور. سجل لمشاهدة الصورسجل لمشاهدة الصور سجل لمشاهدة الصور سجل لمشاهدة الصور

اللـــــــــــــــــه000الـلــــــــــــــــــه000 ربي يعطيج العافية يالنبهانية000 أثرتي الآشجان ياماسمعنا هالقصايد من أمهاتنا وعجايزنا بالسابق يتغنون فيها000 ياليت تكثر المشاركات اللي من هالنوع لأن فيها ريحة أهلنا000 عسى الله يطول أعمار شيبانا ويرحم الأموات منهم0

الله يجزاج خير على النقل والمجهود الواضح يابنت العم ....

اثريتينا بالقصايد الطيبه الله يرحمهم ويغفرلهم..


مقدرين مجهودج وحميتج وفزعتج للكثران والمجهود اللى سويتيه بصراحه اعتبره كنز للمنتدى..


الله لا يحرمنا منج ومن مشاركاتج ولا يوقفسجل لمشاهدة الصور

ماقصرتي يالكثيرية على الموروث المفقود عند الكثير منـا

تحياتي لكـِ

ألف شكر

اخواني السراج المنير والكثير وشاطر ..تو مانور الموضوع وحياكم الله وصدقوني من حبي للكثير

قمت ادور عن اخبارهم ...وحياكم الله

سجل لمشاهدة الصور سجل لمشاهدة الصور سجل لمشاهدة الصور

بنت العم النبهانيه
جزاك الله الف خير على النقل الطيب لقصايد اهلنا وربعنا
وشاكر لج على كتابة قصيدتين من قصايد جدي رحمة عليه
والقصيدتين من ضمن القصايد اللي كنت معتقد انها اندثرت وراحت مع باقي قصايده
وياليت باقي الاخوان يكتبون اي قصيده سمعوها او عرفوها من شيباننا لان اغلب قصايدهم للاسف ما تمت كتابتها وتوثقيها واكتفوا بحفظها فقط وهذا سبب رئيسي بأندثار اغلب قصايدهم



وتقبلوا اجمل التحايا .................

]حيالله الظلماوي..وترى ماسويت شي والعم ابو طاهر قصايده تستاهل اللي يحفظها ..

وان شالله بكمل الباقي اليوم ..وعساك شاعر مثل جدك ...يالظلماوي [/color]

سجل لمشاهدة الصور سجل لمشاهدة الصور سجل لمشاهدة الصور