وجهة نظر

هذا الموضوع لم يعد له مسبقا

فارجو السموحه على ركاكة ترتيب الموضوع

ولكن الذي جعلني اكتب هالموضوع هو عندما جلست مع بعض الاشخاص من قبائل متفرقه وتناقشنا عن الاعراس وحفلات الاعراس كان النقاش عن تكاليف الحفلات


والغريب انهم كلهم من قبائل يعني بالعربي(بدو)
ولكن استغربت عندما صرحوا لي ان تكاليف الاعراس عندهم بالنسبه لزواج الولد لاتتعدى الالفين دينار ونص.

بنفس الوقت اللي لما تشوف عروسنا حنا سواء فضول او كثران بالكويت خاصه تكاليفه اقل شي توصل سبعة االاف دينار ..طبعا هذا قبل سنه اما السنه هذي فطارت الاسعار وصارت بالاحدى عشر والاثنا عشر الف.طبعا شامله الصاله او الفندق والعشا والاستقبال والطقاقه والعصاير ووالفطاير الخ.


فالي شد انتباهي فهو ليش هم غير وحنا غير..

ليش هم حفلاتهم لها سعر رمزي وحنا حفلاتنا تضرب بالعلالي؟؟


ليش ماتختصر الحفلات على الاقرباء ويكون حفل عائلي بدل ما اجمع بالحفل امة محمد كلها


ليش يلجأ البعض بحفلاتهم للتباهي بافخر الصالات

واحدث الطقاقات واغلى وافخم البوفيهات

واغرب انواع التقديم


هل لسبب عشان ان الناس تقول ماشاء الله على ال فلان عرسهم حلو؟؟


او عشان يكسبون اكثر عدد من المعازيم؟؟


او يعني العرس مايصير الا بهالشغلات؟

او العروس تشرط هالشي؟؟


او الناس مايجون اذا العرس مو فخم؟؟

انا مابي احد يرد علي ويقول كلن يمد رجوله على قد الحافه..


الحمدلله مافي احد بالكويت فقران واقصاها ياخذ قرض ويسدد تكاليف العرس

بس هذا مربط الفرس على قولتهم


فليش التباهي لهالدرجه بالعروس وتضطر العوائل انها تجاري بعض في المستويات وخصوصا في

مستويات الحفلات وعلى اظهور الشباب؟؟


ويقعد الواحد منهم اربع سنين وهو يسدد اقساط تكاليف حفل العرس.




فاتمنى ان عيال الجماعه يتحدون على كلمه وحده وراي واحد


وهو عدم المغالاة جدا في الحفلات
ويكون شعارهم ان كل ماهان تبارك.



وسلامتكم.

ابلع العافيه يا عابر لا يجيك اعصاااااااااار يخليك تندم على يوم سجلت فيه بالمنتدى

وبعدين ابوها راضي وانا راضي مالك ومالي ياقاضي

مافيه شي مفروض على الناس فرض

واللي مايبي او مايقدر لا يسوي

والناس تقولك ابي اعبر عن فرحتي بولدي

والرجاجيل اذا مايقدرون ليش ياخذون قروض ؟ ما يقدرون يقولون لا ؟؟

يفهمون حريمهم انه هالشي فوق طاقتهم ويحددون لهم ميزانية محدده .

مو معنى اني راضي وعاجبني الوضع

لكن هذا الرد المنطقي على كلامك

وانت دايم طالعلي مثل عظم السمكه

الاعصار يجي من اللي خبري خبرك وهذولا ماعندهم مناسبات قريبه


وعلى فكره كلامك نفس تعليقي لما قلت ان لااحد يجي ويقول ان كل واحد يمد رجوله على قد لحافه.

بس انت دايم متسرع بالرد.
هههههههههههههههه


و على فكره انت بس تبي تعارض وبس


اول شي انا قلت ان هذي وجهة نظري
ثاني شي انا قلت مافي احد بالكويت فقران

وانا قلت ان الناس قاعده تجاري بعض

وهذا اللي مانبيه انا قلت خل يتحدون وعلى كل العوايل

وخل يتفقون على ان كل ماهان تبارك

والرجاجيل على قولتك اكيد لما تجي المعزبه وتقوله الفلان سوو عرسهم بالمكان الفلاني و كيت وكيت وكيت

وتقوله انها مو اقل من ام فلان بشي
او لما بناته يصكون عليه ويقولوله مانبي عرس اخونا يطلع اقل من مستوى عرس الفلان

فيضطر ساعتها وهو راعيها ههههههه انه يطقله سلفيه تكسر ضهره بس عشان عيون ام فلان و وعشان خاطر بناتها.
هذا من وجهة نظري
وتدري احسن شي فيك

مع انك على طول بالاتجاه المعاكس لي لكن الحلو انك سريع الرد \وما عندك بريك ههههههههههه

والله يا عااابر عليك موواضيع مميزه واتفق معك في كثير من اللي تقوله
ودك الواحد اذا بقى يتزوج انه ما يكلف النفس فوق الطاقه ولاكن اختلف معك انه يجب ان يكون حفل عائلي
فدعوه الجماعه والاصدقاء افضل بكثير من العرس العائلي

وودنا نشوف تحديد للمهر حالنا حال اغلب القبايل الثانيه
والله صارت تكاليف العرس مرهقه اكثر من قبل على شنو مدري

وحتى الطقاقه هههههه وصلن اسعارهن 1500 و2000>>>>وصراحه انا ما الوم دواس ومانع بمسلسل الحياله يوم انهم يسوون نفسهم طقاقات هههههه

واذا تكاليف العرس يطلعن على قولتك 11 و 12 الف ازيدهن الفين او ثلاث واشتري لند ابركلي ههههههههه

اما عصابه الراس فدوم ردوده مميزه >>>>>لازم اجمال
وكلامه صحيح اللي ما يقدر ليه يوازي نفسه

وانا بديت الاحظ انه فعلاا ما عنده برييييك ويجييك طاير من على حاااره الامااان ويكبس للي قدامه ههههههه

المشاركة الأصلية كتبت بواسطة صقر بن عدوان سجل لمشاهدة الروابط

والله يا عااابر عليك موواضيع مميزه واتفق معك في كثير من اللي تقوله




الفضل يرجع لله ثم لمهل بن عدوان يومنه نصحني ابطل قص ولصق واحاول اعصر مخي واكتب من عقلي.سجل لمشاهدة الصورسجل لمشاهدة الصورسجل لمشاهدة الصور
ودك الواحد اذا بقى يتزوج انه ما يكلف النفس فوق الطاقه ولاكن اختلف معك انه يجب ان يكون حفل عائلي
فدعوه الجماعه والاصدقاء افضل بكثير من العرس العائلي



وجهة نظرك وانا احترمها



وودنا نشوف تحديد للمهر حالنا حال اغلب القبايل الثانيه
والله صارت تكاليف العرس مرهقه اكثر من قبل على شنو مدري

وحتى الطقاقه هههههه وصلن اسعارهن 1500 و2000>>>>وصراحه انا ما الوم دواس ومانع بمسلسل الحياله يوم انهم يسوون نفسهم طقاقات هههههه



مهنه شريفه لاتردد وانا اخوك ههههههههههه




واذا تكاليف العرس يطلعن على قولتك 11 و 12 الف ازيدهن الفين او ثلاث واشتري لند ابركلي ههههههههه





لند؟؟سجل لمشاهدة الصور


اما عصابه الراس فدوم ردوده مميزه >>>>>لازم اجمال



وكلامه صحيح اللي ما يقدر ليه يوازي نفسه


مو حنا قلنا عشان يجارون بعض ومحد يصير احسن من احدسجل لمشاهدة الصور و



انا بديت الاحظ انه فعلاا ما عنده برييييك ويجييك طاير من على حاااره الامااان ويكبس للي قدامه ههههههه

حلوووووووووووووووووووهسجل لمشاهدة الصور

هذا اللند ياعابر

سجل لمشاهدة الروابط


لاند كروز

طبعا املك تركبه

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!

صقر المظهر يشرفني مرورك ولو انه كله علامات تعجب.



وانت ياتركي يعني طالع فيها..



علبالك انا من وين جاي مااعرف بالسيارات..

بس خفت انه صايدني لان ولدي شاريها. هالاسبوع .قلت يمكن مار من صوب بيتنا ويتحرشششششششششش .

الحين انت ياعابر سبيل بتصير مرشد اجتماعي


كلامك فيه نوع من الصحه بس صعب التطبيق والتعميم

بس انا ضد فكره زواج عائلي ياخيي زواج اذا ماحضروه جماعتك ماله داعي الا اذا كان زواج مسيار عشان محد يدري سجل لمشاهدة الصور



وانا مع فكره تحديد المهور لقبيله الكثران بالكويت او حتى بالسعوديه بس ياولد صعب فيها قبايل ههههه


بعدين تعال انت ليش تناقش مثل ها الامور وش ناوي عليه سجل لمشاهدة الصور




........

ناوي ازوج ولدي قريب..
سجل لمشاهدة الصور

عشان هالسبب ابي ادخل الفكره بروسهم.سجل لمشاهدة الصور


اما البنات مابي يتحدد مهرهم

عشان بناتي واجدسجل لمشاهدة الصور

وان نقص المهر اضطر اكمله اناسجل لمشاهدة الصور