جنون المنتديات

اخواني اخواتي الاعضاء والمشرفين ايها الحفل الكريم نواجه
في هذه الايام فئه تحمل من الانسانيه او من الانسان الشكل الخارجي
والاهم بالتفكير والعقول يحملون مخ قرود
كيف عرفت ذلك ؟

من خلال قرائتي بعض المواضيع في المنتديات الاخرى استشفيت << قويه استشفيت صح تحس انك كاتب

ان هنالك دلوووخ وعاهات عقلانيه

بدال المخ تلقى كرتون ماي صحه الروضتين فاضي مافيه ولا علبه
وبدال التفكير السليم تلقى كرتون تايد حق الهدوم لبياض ناصع جدا مكبوب عليه ديتول
وبدال الاسلوب المحترم تلقى دفتر شيكات منشق حق واحد يتعامل بالربا وهكذا
جنون المنتديات اسبابه وعلاجه وطرق الابتعاد عنه


اسباب جنون المنتديات /
1- تربية الاهل من المنزل تجدهم يشوتونك ولا يلبون لك طلباتك واذا بغيت شيء وقلت للوالد تلقى اجابته لك ورى ما تنقلع عن وجهي لا اتمشى ببطنك.

2- تعامل شغالتكم لك بانك انسان غير مهم بالبيت ولا تكوي شماغك.

3- اخوانك الصغار يعيون يجيبون لك ماي اذا قلتلهم ابي ماي.

4-مالك غرفه بالبيت ولا سرير يعني اي مكان حط راسك ونام .

5- لاقلت لامك جو عندي ربعي نبي شاهي قالت لك قسم بالله لو اطل
بعد شوي والقى واحد منهم قاعد بالديوانيه لا اخلي نعلتي تتمتع بالمشي فوق ضهرك.

6- تلقى اخوك اذا صب لك شاهي يصب لك نص البياله << هذا اخطر سبب

7- تلقى ربعك يطلعون للبر ومايقولون لك.

فمن هذه الاسباب اللي فوق تجي تلقى الواحد ينزل موضوع ويهدد ويهاوش وينافخ
ويحسب انه اقوى واحد لان في المنتدى محد يعرف شخصك وانت مجهول واللي يتكلم بلسان حالك بالمنتدى ومعرفة الناس لك باسمك اللي تسجل فيه بس
فمثل هؤلاء تجد انهم ياتون للمنتديات لكي يسوون اشياء ماقدروا عليها في منازلهم


العلاج من مرض جنون المنتديات /
1- حاول تتعرف على اباء هؤلاء الاشخاص لترك خلفيه عندهم عن حال ابناءهم

2- حاول تدخل لمواضيعهم ومعك كمام حق الغاز السام لانه وهو ينزل الموضوع
بحماس تطلع منه رائحه كريهه

3-حاول تشبك مع شغالتهم وتقولها تكوي شماغه عشان تبدى ردة الفعل عنده

4- حاول ان انك تعزمه عندك وتصب له بالبياله شاهي كامل مو نص لان هذا
السبب اللي راح يحسس المجنون انه كامل

5-حاول تنط عليه اذا تحمس معك بالكلام وتصقعه ببكس مع جبهته بحيث
يرجع تفكيره السليم باسرع وقت

6- حاول (تمرغ ) << اي تدهن راسه بفكس لين تحس انه بدى يتجاوب معك

7- حاول تشتري له دفتر ابو 60 صفحه وتقوله نزل مواضيعك هني بعدين
ورني اياهن واختار لك موضوع تنزله بالمنتدى

نهاية كلامي ابيكم تدعون معي اللهم لاتدع مجنونا الا وعافيته
ولا تدع خبلا الا وانهيت اجراءاته بسرررعه من عند مستشفى اللي عند دوار العظام
اللهم حنن قلوب الاهل على ابناءهم اللهم صبر الاعضاء على بلواهم
واذا فعلا هم اعضاء مظبوطين راح يصبرون لان هذا ابتلاء من الله سبحانه

نسال الله ان يقينا ومنتدانا ويقي الكثران من كل هذا الجنون ويعم
بنفع ما نوينا ارجاء المنتدى اقول قولي هذا واستغفر الله لي ولكم فستغفروه

الموضوع لا يخص الكثران

ياجماعه واحد يتصدق علي برد عشان

احس اني شاركت معاكم

ياجماعه ردو ترا ما اقصدكم انتم ههههههههههههههههههههه

ولي يعافيكم ردو

ههههههههههههههههههههههههههههه

اخى العزيز اشحلاتى
اثبت جدارتك بالنشاط الزائد تراك ادوختنا من التنقل بين الاقسام شتت افكارى
بدوووووووووووووووون زعل

والله العضيم اليوم قايله هالكلام قلتله خلك بمنتدى واحد تراك طشرت افكارنا
هههههههههههههههههههههههههههههههههههههههههههههههههه ههه
كثر المواضيعك تخلى الواحد ماله خلق يقراهم
بس عسسسسسسسسسسسسسسل يابو دماغيييييييييين
بس ابن الحلال مندفع الله يجزاه خير وهو يحب الفرفشه والضحك وبدونه مانستانس
بس كم يوم يخلص مخيمهم ونفتك منه ويروح للبر بس خوفكم يشبك من البرررررررر
هههههههههههههههههههههههههههههههههههههههههههههههههه ههه

اشحلاتى بنسوى لك منتدى بروحك ونسميه فرفشه الكثران بس على قولت اخوى الكثير ماعندهم خفه دم بس اللى طلع بينا اشحلاتى
الكثير بس ياوالله فيهم طيبت الدنياا

مهل الكثيري

اشكر تعاطفك مع موضوعي هههههههه

حروف القصيد افا عليج مااامن زعل وانا اخووج

بس انا اول ما ادخل المنتدى ابدأ من الاسلامي الى الاقتراحات

اقرا كل المواضيع اذا خلصت افتح كتابه الموضوع واكتب الي بخاطري واذا مليت انزله

واروح لشغلي هههههه وشاكر لصراحتج المحرجه ههههههه