بمناسبة الزيارة الاولى لأبناء عمنا في الكويت الحبيبه

27-01-2008, 02:16 AM

قم يا سعد يانديب المناعير = يا واحدِ لاضاق صدري نصيته
إعجل وعجل وخل عنك المعاذير = ما ينعذر مثلك لامني نخيته
عاير زيوت الجيب وزد فأالتواوير = وشيك على الماء وإنتبهلي إليته
نويتلي طرقه وشفي لها غير = ما قصدي الدنيا ومالاً بغيته
قصدي بني عمي رجالاً مشاهير = لشفتهم في بلاد جني وليته
صبيان لام اللي تهز الطوابير = اللي لهم فالمجد عزٍ لقيته
أهل الكويت أهل الدلال المباهير = قصدي زيارتهم وذا ما نويته
وإن كان طاعوني برايي أبشير = للي بتدمر ناصله وسط بيته
ناخذ ونعطي معه ماصار ويصير = يمكن نحقق مأب قلبي هقيته
وإختامها قلته وانا إبن المظاهير = نسل الشقيم اللي يكفيك صيته

27-01-2008, 02:21 AM

صح لسانك يا بو محمد

27-01-2008, 02:21 AM

صح السانك يابو محمد
ودايم علومك غانمه

27-01-2008, 02:57 AM

وإختامها قلته وانا إبن المظاهيـر=نسل الشقيم اللي يكفيـك صيتـه

كفو ياذيب المظهر

عزالله إنك وافي ياذيبان وتمنيت مخاواتك في هالرحلة لكن الظروف تحكم

وفقك الله ورعاك في حلك وترحالك

تقبل حبي ومودتي يالغالي

27-01-2008, 03:10 AM

صح بدنك ياحمود

27-01-2008, 03:19 AM

لام 6
حياك ربي
وإعلومك أنت كلها طيبه بارك الله فيك

27-01-2008, 03:25 AM

هلا وغلا مليون بالمشير

والله أنت اللي دائم علمك غانم ياالذيب

وتراك معي دائم متنقل معي في حلي وترحالي كيف لا وأنت غالي القدر عندي
ودمت بعز وعافيه

27-01-2008, 08:44 AM

نسل الشقيم اللي يكفيـك صيته

صح لسانك يابومحمد وماقول الا يحظ من يبي يخاويك

بس القصيده الثانيه نبيها ببوخالد وكحيلان

27-01-2008, 09:01 AM

كفو والله

صح لسانك .. والنعم فيك وفي الشقيم كلهم

وعزالله انك ناصي لك مناعير

عزالله انها تحمّس حيل

وعساك على القوه .. والله يسهل دربك ويردك سالم

..

27-01-2008, 09:36 AM

صح لسانك ونعم والله بالشقيم

حتى حصلي موقف قبل يومين وأنا بالمعارض " معرض جميعان"

وكان يحرجون ع سيارة وفرقت السومة المهم قال وش أسمك
.............الكثيري ، قال من عيال الشقيم ، قلتله لا والله إني من مسكة
وعلشان كذا ذكرت الموقف والشاهد القصيدة
عز الله صيتكم عالي بعفيف