قصيدة إلى ال كثير $$ سعد الشقيم $$$$$$$$$

12-12-2007, 02:49 AM

ياالله يامطلوب يارازق الملا
ياعالم(ن) نقص الليالي وزودها
إنك تعدل مقبلات الليالي
قدام ماتطوي علي لحودها
حالي من الاسقام والجور وانيا
تبدابه النقصان وإنحل عودها
لقلت زل الهم واقبلها السعد
تجيها عواصيف الهموم وتضودها
هموم(ن)توقد تشعل القلب والحشا
تليم ولحسب صدورها من ورودها
على خالق الدنيا شكينا عناها
هو اللي خلقها عالم(ن) وش ركودها
وعيني لمرح ميت القلب وإهتنا
تهل العباري لين تحفي خدودها
دموع(ن) كما وبل(ن) لهل فالدجا
لحل نجمه والذواري تقودها
سقيم(ن) مريض(ن) تايه الفكر منكتم
عليل(ن) معلعل ضايقنبي عضودها
إللهي وليي رزاق الحوت فالبحر
مدام نفسي باقيه في وجودها
إنك تعوض الروح فيام مقبله
سعدها يطول ومامضت لا تعودها
وإن كان بقعا دبرت واقرشتبي
وإنحتت الزهرة وحتت ورودها
إنك تعوض الروح عقب الندامه
فالجنه اللي كل خير يرودها
اوصيك يام(ن) عاش واليوم بالقي
إحضر تراء الدنيا تخون بعودها
ليستوتلك يوم عام(ن) تغربل
إنشد رجال(ن) ماتبين سدودها
دارت عليهم وإستدارت بغره
حتى شربو من صافي(ن) من ديودها
ضيم وقهر واوجاع والفين عله
يمكن تموت وغلها في إكبودها
حاسب ضميرك قبل يوم المحاسب
يوم(ن)يشيب صاغر(ن)في مهودها
وين الزناتي والهلالي وعنتر
وكسرى وقيصر وين باقي جنودها
وين النمور الطاهرين الصحابه
ناس(ن)تعدت فالشجاعه حدودها
ناس(ن)كما نور(ن)لهل وإنبهل
يطفي عن الكبد المريضه وقودها
سجلهم عبر التواريخ والقلم
شي(ن)عظيم(ن)به رداها وجودها
الله من ليلاُ تعدا إضحكوبه
واليوم تحت الخد تطوى لحودها
ركبو على قب المهور الاصايل
ولكنهم عاشو وشربو عدودها
واقول ياللي ضيعتك الطواري
في كل يوم تقول بكره سعودها
تضحك ويطرالك ثلاثين طاري
والفايده طارت وياوين فودها
كم واحد(ن)يقول انا الزير سالم
وعاف الطواري يوم شبت زنودها
بغا السلامه ماحصله سلامه
الا عقب ماينخل الحال دودها
واقول ياللي ضيعتك الهقاوي
إعرف صيود البر وإذكر إفهودها
خلك شديد الراي في ساعة القشر
قدام ماتنهد فوقك إحيودها
تضرب بحور(ن)هايجات(ن)طويله
وتجيك بقعا وانته ارداء صيودها
تراء البعوضه قد مضى واعمت الاسد
بامر(ن)من الله والفهد مايكودها
عندك مقادير(ن)وعلم(ن)وحكمه
لانته بناقصها ولانتب تزودها
واقول ياللي تحسب الحب زهره
تقطف ثمايرها وتروح ورودها
تضحك عليك إم النهود الصغيره
لقامت تديرك وتنقض إجعودها
تضحك ومعها إبليس يضحك مع الزمن
يرمي شباكله قويه قيودها
لخطاك ماخطاك الدهر
ينتهي العمر وتتعب ضميرك يامحلحل عقودها
اقل شي وغير يمكن تنكد
لخان حب اللي صغير(ن) إنهودها
ماقول خل الحب لكن تعلم
ميز على البيداء حمرها وسودها
وحب الذي يدرك لضاق صدرك
اللي لك أرحم من بكيت لفقودها
الواحد المعبود الماجد الصمد
اللي صخر مزنن يزلزل رعودها
اللي برفت رمش امره يجيلك
واسبق لونك تحت واسفل نفودها
ثم حب مرسوله محمد لك الشرف
تحبك البيداء وحتى حيودها
وحب الذي تبكيك لغبت عنها
اللي تراء حبك دوام(ن)يكودها
ماتستفيد الا لحدك النيا
من كثر ماتبكي تحرق بدودها
وابوك وإخوانك وربعك وعزوتك
الباقيه عقلك يحلحل قيودها
والله لوني من الشعر ابنظم
قصيايد(ن)جزله وافند فنودها
لتعب حكيم الراي ويتوه فكره
مانيب وحدي والمجرب إشهودها
وزبدت كثير الهرج يكفي قليله
والنجم بين حرها من برودها

$ $ قاله كثيري(ن)بوقته مجرب
من آل مظهر يامحسب إجدودها
ساسه يعود في بني لام وإفهم
قبيلت(ن)فالجود ينعد جودها
قبيلت(ن)في ماضي الوقت فعلها
أنها قبايل وإنتهت من وجودها
لو تنشد التاريخ يخبرك عنهم
نبذة بسيطه عن فعايل إجدودها
طيب وكرم والدين غاية مناهم
ومن غير لام الوافيه في عهودها
ربعي ثلاث أعلام لام(ن)مردهم
فضل ومغيرة وآل كثيري عمودها $$$$$$$$/
تمت وصل الله على سيد الملا
إعداد ماذعذع من الغربي نودها

*& القصيده محفوظه في ديوان الشاعر .

12-12-2007, 03:32 AM

قاله كثيري(ن)بوقته مجرب=من آل مظهر يامحسب إجدودها
ساسه يعود في بني لام وإفهم=قبيلت(ن)فالجود ينعد جودها
قبيلت(ن)في ماضي الوقت فعلها=أنها قبايل وإنتهت من وجودها
لو تنشد التاريخ يخبرك عنهم=نبذة بسيطه عن فعايل إجدودها
طيب وكرم والدين غاية مناهم=ومن غير لام الوافيه في عهودها
ربعي ثلاث أعلام لام(ن)مردهم=فضل ومغيرة وآل كثيري عمودها

ونعـــــــــــــــــــــــــــــــــــــــــــــــ ــــــــــــــــــــــــــم

صح السان الشاعر والناقل.......

لاهنت يالمظهرى جزله من راس وافى....

12-12-2007, 11:33 AM

*& القصيده محفوظه في ديوان الشاعر
صح لسان الشاعر
وشكرا للناقل .

12-12-2007, 12:13 PM

الله يعطيك العافيه

صح لسان الشاعر

شكرا على النقل اخوي المظهري

12-12-2007, 12:44 PM

الله يعطيك العافية

صح لسان الشاعر

مشكور على النقل

12-12-2007, 04:21 PM

تسلم يا المظهري على النقل وصح لسان الشاعر

14-12-2007, 01:58 AM

اقتباس:

المشاركة الأصلية كتبت بواسطة الكثير سجل لمشاهدة الروابط

قاله كثيري(ن)بوقته مجرب=من آل مظهر يامحسب إجدودها
ساسه يعود في بني لام وإفهم=قبيلت(ن)فالجود ينعد جودها
قبيلت(ن)في ماضي الوقت فعلها=أنها قبايل وإنتهت من وجودها
لو تنشد التاريخ يخبرك عنهم=نبذة بسيطه عن فعايل إجدودها
طيب وكرم والدين غاية مناهم=ومن غير لام الوافيه في عهودها
ربعي ثلاث أعلام لام(ن)مردهم=فضل ومغيرة وآل كثيري عمودها

ونعـــــــــــــــــــــــــــــــــــــــــــــــ ــــــــــــــــــــــــــم

صح السان الشاعر والناقل.......

لاهنت يالمظهرى جزله من راس وافى....

عسى عمرك طويل يالذيب