ابيات اهديها الى راعي المغاتير الاخ الاستاذ/احمدبن محمد بن احمد بن بتال الكثيري
ويستاهل اكثر من قصيده وله منى كل الشكر والتقدير والاحترام
" وضــح الـكـثـيـري"
يالي تعشقون المغاتير والزين = مروعلي وضح الكثيري بضريه
وشوفو مزيين المغاتيربالعين = اللي حشى ماخالطتها الرديه
وضحٍ لونه نافست فالميادين = الفوز له مضمون ميه بميه
من شافهن لو كان عجلان بالعين = تخلفه عن دربه وينسى خويه
الى اقبلن ماهن سوات البعارين = مايفرق الراعي هذي من هذيه
من زينهن مثل البني بالمزايين = وان روحن وقفن لهن جاذبيه
وضح احمد اللي من رجالٍ مسمين = راع الكرم والطيب والنار حيه
وضحٍ ماهيب ام الف لالا ولفين = وضح الرجال اللي عزومه قويه
من شافهن ماقال وحده وثنتين = طوال الرقاب مزينات الوطيه
شف الرجال اللي رصيده ملايين = اللي لها بالزين روحه وجيه
الشاعر/عبيد بن صحين بتال الكثيري
/ مــرو عـلــي وضــح الـكـثــيـري بـضـــــريــه /
العرض العادي
