قصة صنيتان السويط من قبيلة الظفير وجاره ابن منديل الخالدي

13-06-2011, 01:30 AM


	بسم الله الرحمن الرحيم السلام عليكم ورحمة الله وبركاته: صنيتان السويط من شيوخ قبيلة الظفير حصلت له قصه عجيبه قبل ميه وخمسين سنه والسويط بشكل عام يقالهم هل البويت لأنهم اذا سكنو يحطون علا خيامهم ( بيوتهم)خرجه بيضه لكي يعرفو. ولأنهم عرفو بهذاك الوقت عند القبايل اذا بغا احد يزبن على احد يزبن عليهم ويزبنونه صنيتان على مثل هالعاده هاذي سكن عنده واحد خالدي وصار جار له حوالي خمس سنين وكان صنيتان عنده ولد حول عشرين سنه وكذلك قصيره الخالدي الذي يقال له ابن منديل عنده ولد بهذا العمر وفي يوم من الايام خرج الشابين جميعا يسترزقون وحصلت لهم مشكله فقام الظفيري وقتل ابن الخالدي وكان صنيتان جالس في مجلسه وعنده جماعه من بينهم الخالدي قصيرهم ويوم اقبلو إلا هذي ذلول الخالدي ماعليها احد فقال صنيتان لاعادت من روحه اللي ماطاح فيها الا ابن الخالدي فقالوله ولد الخالدي اللي اذبحوه ولدك فنفجع صنيتان بقتل ابن جاره والشي الثاني انها تصير معيرةٍ عليه ويوم سمع صوت حريم الخالدي يصيحن على ولدهن فقام يبكي صنيتان فسألوه ليه تبكي فقال ابكي لما سمعت حريم جاري يصيحن قال اخوه احمود اخو صنيتان جان تبي حريم جارك يسكتن صيح حريمك يعني اذبح ولدك قال تهقى لوني اذبحه يسكتن قال اي راح يسكتن قال صنيتان قم ياحمود اذبحه فقال اهل المجلس اصبر يصنيتان يمكن الخالدي يتنازل فقال هو يمكن يتنازل من شيمته وانا ماراح انطره يتنازل وبذبحه قبل يتنازل والله ماخلي حريم جاري يصيحن والسويطيات كل وحده بحظن زوجهامستانسه قم ياحمود اذبحه فصارت هذي القصه شرف له ويقول الشاعر الطايلة غدى بها السويطي صنيتان من دون جاره صار للشر ماحي يوم انتهى فرخ من الوكر سكران صاده حمود وبرقعه واستراحي وانشد من المشهد الياقصر برزان وما حدرت نبعه وقصر بن ضاحي ويقول الآخر: عيال السويط اللي لهم ذكر وافنان أفعالهم تذكر ولا هي خفية بالجار ساقوا مخاسير وأثمان ذكوا ولدهم مثل ذبح الضحية الحثربي فكوه من سبع سلفان وذود الفراوي جابليا دعيه مع التحية والاحترام ........ صريح الحقيقة .