الشعر يكتبلك وتقرا معانيك= وحروف شعري زينها من وصوفك
والقاف يفرح كل ما مر طاريك=يا زين قافي لا تذكر حروفك
اسمع رسول اشواق قلبي يناديك= ترقص اماني نشوتي لاجل اشوفك
عطرك لفح شعري وقافي يجاريك=ورسالتي ذابت براحت كفوفك
وجهك قمر في ظلمت الليل يضويك= محلا ظلام الليل كاسي كتوفك
من شاف خصرك قال جوعك لعب فيك=بس اتضح للناس ساعت وقوفك
ساعت بقيت تقوم ترفع مواطيك=خصرك تثاقل قومتك من ردوفك
كل العيون بصمت تتبع خطاويك=من وين ما لقيت راحت تحوفك
تمشي طرب وتزين الدرب رجليك=ومن جاء على دربك تنفس هفوفك
ودي على ضمك ومسكت اياديك=عذرك معك لا صار عذرك ظروفك
ومعاد فيني صبر لا جيت اخليك=اجيك مره ثانيه لاجل اشوفك
قصيدة غزل نبي رايكم بها
العرض العادي
المواضيع المتشابهه
