(يا جيل الخسارة) للمرحوم : براك بن ناصر المروت ..

قصيدة طريفة في نقد تصرفات بعض الشباب للشاعر ( براك بن ناصر بن نهار المروت ) "رحمه الله وأسكنه فسيح جناته" :-

ياعيال الهون يا جيل الخساره=لعنبو من ضمكم يالخايبيني
يوم هد الديد ولع بالزقاره=واشعل النار بجوف الوالديني
ساهرن ليله ويرقد في نهاره=وأشهد ان منه الخطر يالعارفيني
ما يداني مسجدٍ فيه المناره=وان عذلته قال : شَـ أمرك مبتليني !
يا سلام الله على عيال النماره=طيبينٍ من رجالٍ طيبيني
ان خلت خربت وضاعت في دماره=ان تهيا النصف والا بالثميني

.
.

ودمتم بـ ود