من سعد الشقيم الى راكان القرناس

السلام عليكم ورحمة الله وبركاته
هذه قصيدة رد من والدي على قصيدة الشاعر راكان القرناس التي وجهها الى عمي خالد الشقيم والتي كانت تحمل عنوان منازل الشقمان

سر ياقلم واكتب لمن هو سطرها= اعبارة مني تحية وتقدير
قيفان مثل الدر باسفل بحرها= وقليلة في حق ذخر المناعير
وقله هلا عد الجبال وحجرها=وعداد مافوق الشجر غرد الطير
وعداد وابل لاستهلت مطرها= واعدا من يمشي على الارض ويسير
يابن الرجال اللي يبين ظفرها= في حزة فيها تضيع التفاكير
لاصاح صياح الخلاء من قشرها= يحير فيها كليب وذياب والزير
الله يجيرك من ليالي كدرها= والله يجازي فاعل الخير بالخير
دنيا يابن عمي كثير خطرها=ومايكتبه وال السماء لازم يصير
حنا الا منا زرعنا ثمرها= نجني الثمر واللي بقاء للعصافير
وان كان نفسك فيه احد قهرها=عليك تنخى واترك الباقي الغير
وان كان قصدك ذيب شاة نحرها= وقته مضى والله عليه التدابير
وان كان به ضبي محير مهرها= راكان قلي بس كم الدنانير
ارواحنا لامن ربي ومرها= الموت يصبح مثل در المغاتير
حنا الى منه تزايد شررها= نطفي لهبها لو تهب المعاصير
وصلاة ربي عد ما اثمر شجرها= واعداد ماهبت مع الصبح وعصير
على نبي هو صفوت بشرها= من بد خلق الله هوالنادر يصير