ماكـل قصـاد يـقـال لــه قـصـاد
ونصدقـه فيـمـا نـشـر وإدعـابـه
بنـي سعـد قرنـة عتيبـه والأجـداد
بجوامـع السيـرة وصفحـة كتـابـه
مافيـه شـك ولاشـكـوك وتــرداد
ومـن كـان واهـم نقنعـه بالإجابـه
ماهـو كـلام أحمـد وحامـد وحمـاد
والكـذب خيبـة مـن كـذب وإفترابـه
ماقلتـهـا نـاقـد ولانـيـب نـقـاد
والعلـم ثـروة مـن درس وإعتنابـه
أبحـث وأناقـش واتـركـد تـركـاد
والله يعلـم بالخطـا مــن صـوابـه
نبـذه عـن عتيبـه وذكـرى لـلأولاد
من ماضـي الأزمـان واللـي مضابـه
وشمر لهم سطوة واهل بـاس وعنـاد
وجمع البقوم وحـرب وحـرث شبابـه
ومطير أهل وقفه وأهـل خـف وجيـاد
من الحرة ليـا أرض الحفـر واللهابـه
واولاد وايـل مرغمـة كـل حـسـاد
وقحطان والغلبـا عـز مـن اعتزابـه
وجمع الظفير اللي لهـم كـار وشـداد
اهـل البيـوت مزبنـة مـن لفـابـه
وثقيف حرز وركـن واركـان وأعمـاد
وجمع بنـي مالـك سنـد مـن تلابـه
وجمع الفضول دوروع وسيوف وأعضاد
تاطى المخاطـر مثـل شهـب الذيابـه
سلالة بنـي لام الهـم أذكـار وامجـاد
وتميـم لادقــت طـبـول الحـرابـه
وجمع بني خالـد كمـا وصـف رعـاد
سيـل لـيـا دم لــه وادي غـدابـه
وجمع السهول ويـام قيـف ليـا قـاد
باولهـم العجمـان مـاحـد يهقـابـه
واهل اليمامـه مثـل نـو ْ ليـا انقـاد
واهل القصيـم مطوعـة مـن نوابـه
وجمع اكلب وشهران ودوسر هل الـواد
مثـل الجبـال وغابـة ســد غـابـه
وسليـم وقضاعـه ماأفندهـم افـنـاد
وهذيـل ورجـال ألمـع ومـن حذابـه
وزهران مع غامد هـل البـاع والمـاد
مثل الخيـال ليـا ضفـى مـع ضبابـه
وجمع رجال الحجـر تاقـف بمرصـاد
وبالقـرن مـع شمـران قـوة ولابـه
وقبايـل الأشــراف للهادي أحـفـاد
رجالهـم ينطـح جمـع لـل إلتـوابـه
وجمع البواهل من بنـي زيـد الأنـداد
مثل الرمـح والسيـف سلـة نصابـه
وجمع بني هاجـر والمـره لـه زنـاد
عدوهـم مايهتـنـي فــي شـرابـه
وبنـي عطيـه والحويـطـات هــداد
تـهـد هـامـات الـعـداه ورقـابـه
وجمع الحـوازم والعـوازم ليـا انحـاد
سوق الوغى قد بـاع بـه وإشترابـه
وجمع الشرارت لهـم أفعـال وأجـواد
للمعتديـن أعـداء وعــز القـرابـه
وبنـي رشيـد حيـود ماهيـب تنحـاد
لاصـار يـوم فيـه غلـب وغـلابـه
والمملكه شعبه ليـا أوحـى لـه منـاد
يفـدى بمـا يملـك وروحـه فـدابـه
اهـل الفتـح منـا جـنـود وقــواد
واول سهـم بالديـن واللـي رمـابـه
لله عـبــاد ٍ ولـرضــاه زهـــاد
نصـوم ونصلـي ونـرجـي ثـوابـه
مانعبـد الأوثـان واحجـار الالـحـاد
مثـل الـذي يعبـد صليبـه وكـابـه
لـو نتجـه للقـدس بضميـر وافـواد
قلـب وقالـب ليـن ندخـل رحـابـه
بهجوم معاكس على القدس مـن غـاد
لتحطيم جيـش الغـدر عنـد إقترابـه
بنصـراً محقـق كـان رب المـلا راد
وكـان إنخذلنـا الله شـديـد عقـابـه
والخاتمه صلـوا علـى سيـد الأسيـاد
سيـد مـن أيـد سيـرتـه وإقـدابـه
من قصيدة طويله للشاعر الكبير / ماجد بن عبود بن مغيرق
وجمع الفضول
العرض المتطور
المواضيع المتشابهه
