حضرو يابني لام
هل مضمون القصيده وماتحتويه ( خاصةً فيما بين القوسين ) صحيح ,,
عطونا اللي عندكم وللحديث بقيه :: ( الدعوة حوار ليستفيد الجميع )
قصيده الشاعر/ صنيتان بن فيصل ال ابو اثنين يذكر فيها بعض افعال اجداد واعمام الشيخ / عبيد بن سعد ال ابو اثنين السبيعي .
ياعبيد هات من الدفاتر والاقلام
واكتب تواريخ الجدود الكرامي
تاريخ يبقى لليالي والايام
للي رقوا بالمجد راس السنامي
جدك مبارك شيخته قبل الايتام
من عقب تكسير الدلال الشوامي
جدك مبارك شيخته مابها اوهام
ابواثنين اللي عليهم كلامي
(( هومن ذبح بالسيف مقدم بني لام
بسيفِ لبن ميثاء شطيرِ حسامي
عن البن يانسل الاكرام قد صام
وافطر بابن عروج عقب الصيامي ))
وعلى (العوازم) قدم الخيل قدام
ثارِ لملفي وادركه بالتمامي
واخذ بثاره وادركه عقب ماقام
لين اهتنى عقب السهر بالمنامي
وياعبيد هو من حارب الترك الاروام
على قليب رماح صار ادحامي
من ماكره اظهر زحازيح صرام
هم الشيوخ مسنعين الجهامي
منهم صنيتان الذي للعدا دام
حربه الين ادوا الكحيله ودامي
تسعة عشر كونِ وهو يضرم اضرام
نار الحروب ولا قبل بالسلامي
يقود نمراً فعلها بالعدا سام
زيزومها يزمي الي جاه زامي
مهوب عن كثر المغازي بنوام
قد قالها العجمي بردّ العلامي
ابن منيخر ذاكرٍِ فعل الاكرام
قصيدته تشهد وفيها الاسامي
وركبَ لجى بالقبر عن اخذهم شام
لجو لقبر فهيد عند الزحامي
لجو لقبره موقنينً بالاعدام
وافتكهم حشمه لربعِ حشامي
يابن سعد فعله جلا ليل الاظلام
امجوز العزبان بأم الزمامي
ما ياخذ العقبه عليهم الى حام
شيخ الفعول المتعبات الجسامي
ياعبيد هو من صبح اعداه بحسام
فوق اربعين ولا رجع بانهزامي
يابن سعد اخذ الكحيلات بأحكام
بحكم السيوف اللي تفك اللحامي
ياعبيد كان الطيب امقسم اقسام
جدانك اخذوا منه خير القسامي
ياعبيد ابوجراح ما فيه لوام
الصدق مايدخل عليه الملامي
امثبتِ فعله و لعداه لطام
فعله ينور مدلهم الظلامي
لاجاء نهارِ فيه للموت سوام
وثار الدخن والجو جاله عسامي
يفرح به اللي طايحِ حدرالاقدام
لا صار ابوجراح عنه المحامي
فكه بضربِ يطرح الراس والهام
عن المتون وعادةِ له شمامي
هم ذمموا شايبهم الحكم بذمام
وحكم لبو جراح عند الذمامي
لاجاء نهارِ فيه صولات وصدام
يبين فعله في نهار الصدامي
يابن سعد خذها براهين وأعلام
لي يشهدون أهل الذمم والكرامي
جدك محمد من فعل فعل غشام
كم من طريح طاح من دون رامي
أبا الشوش اللي على الخيل دحام
هو مشبعِ طير السماء يوم حامي
هات القلم واكتب ثمانية عشر عام
بعد الثلاثميه والالف عامي
يوم الصريف وقعةِ فيها الامام
فادا بروحه دون ولد الامامي
يشهد على فعله زحازيح حكام
ابن صباح والضيغمي بالمقامي
كلِ شهد له فالعرب شرقِ وشام
ياسّعد من بالضيق هو له حزامي
فعلَ لبوه وجده العود قدام
وريث مجدِ من خوال وعمامي
ياعبيد هاجوسي على الشعر زوام
ولا شد في كور الذلول المسامي
اكتب وانا املي لك تواريخ الاعمام
اللي تعلوا فوق سحب الغمامي
رغوان عمره سته وعشرة اعوام
قاد الجموع ولا التفت للخمامي
يقدم على جمع المعادين بحزام
نمّراَ بها ربعه ونعم الحزامي
شبلَ ظهر فعله وهو توه غلام
يكسب وياهب صيرميِ قطامي
متسلسلن من راس قاده وزعّام
اهل الخيول مروبعات الهوامي
كم جمع قومِ راح من فعله حطام
شيخِ عداه تروح منه انحطامي
ياما قصر من رايمِ دون مارام
يدقم شبا اللي له مراد ومرامي
شيخِ عطيب الضرب للخصم زحّام
ابن الزحول ومنجبين الهمامي
شيخَ على كسب النواميس عزام
لينه تعلى فوق روس العدامي
ياعبيد جدانك زحازيح واحشام
معطيهم التاريخ كل حترامي
لابني شبيب وثالث الربع ضرغام
ثالثهم ابن عضيب ذاك الغلامي
استشهدوا تحت البيارق والاعلام
ورادةِ للموت ورد الحيامي
هم من هل التوحيد وجنود الاسلام
مع الملك في ضرب ذيك المهامي
اكتب تواريخِ طويلات وجسام
لربعِ رقوا فالمجد لاعلى مقامي
لابني شبيب فعول مهيب بحلام
هم شنوا الغاره بكل اهتمامي
من دفن شيوخِ مثل ظلع سنام
هم ادفنوهم يوم صار احتدامي
وراع المنيصف ذايع الصيت واهمام
عبيد هو راعي حداة الكمامي
يوم اللصافه رجع الطرش جزام
راح الخييلي من يمينه عدامي
قولِ لابن سرحان يبقى للاعوام
يومه شهد لعبيد مهوب كامي
سميّك فعوله كثيرات وعظام
الصيعري نحره من الضرب دامي
سجل تواريخِ جديدات وقدام
ترى الخلف مثل السلف بالتمامي
واخر جوابي يابن الابطال وختام
اقبل تحياتي وصادق سلامي
|
العرض المتطور
المواضيع المتشابهه
