صرخة مواطن (ملحط)

17-12-2007, 06:23 PM

:
ابشركم يالقيادة السعودية...الأسعار.. مضبوطه.. والمواد الغذائية متوفره...
ما نقصنا بس إلا الخبز يرفعون سعره..
وخذ عندك بعض الأسعار
قشطة المراعي صارت 3.5 ريال..
حبة المظبي 22 ريال
الكفرات ارتفعت 30 بالميه..
الأدوية 25 بالمية
تخيلوا ياقادتنا.. جبن كرافت والمراعي السايل.. ارتفع.. طيب وش نسوي لبزارينا المشكله يقدرون الكرافت السايل مع الصامولي..
الببسي صار 20.5
حتى وانتم بكرامه والقراء الحفايض .. ارتفعت..
والأيجارات أرتفعت..
وقسايم المرور زادت..
الحمدلله على النعمه أمن وآمان
الله لا يغير علينا..
حتى .. رز ابو كاس ارتفع..
لا وازيدك من الشعر بيت..رزمة الكراث والبصل صارت بريالين..
شفتوا شلون حنا بنعمه..
بس تكفون كلمة راس.. ما ودكم.. تنزلون رواتبنا شوي.. عشان.. نبني للأردن 70 الف وحده سكنيه ثانيه..
ونعطي لبنان مليار ونص دولار..
ونرسل لمصر المعونه السنويه..
وعشان عيال التويجري..
يلقون خبز ناشف ياكلونه..
تعرف المساكين من الجوع مهم لاقين شي ياكلونه..
الضعوف والله اني ارحم حالهم..
تعرف ماشاء الله حنا.. من كثر الفلل التمليك.. الناس صارو يأجرون ببلاش..
ممكن طلب طال عمركم.. ابي سلف 12000 ريال ..
عندي دين اسدد فيه لي سنه ولا خلص.. كل شهر 500 ريال..
الله يرحم حالنا والله..
:
ابشركم طال عمركم..
قبل كم يوم حطم سعر برميل البترول الرقم القياسي وصار يباع بـ 99 دولار..
ورصيدي أيضا حطم الرقم القياسي في نفس اليوم وصار فيه 17 ريال..
الحمد لله شفتوا كيف أنا بخير..
الله يطول عمركم ودي أسألكم سؤال وشلون ميزانية الدولة تنترس بالمصاري..
وحساباتنا تفضى من المصاري..
:
أحب اطمنكم صرنا نسوي رجيم غصب عنا..
تعرفون اللحم ما عاد نعرفه..
حتى الدجاج ما عاد نأكله..
بفضل توجيهاتكم صرنا ما نأكل زي أول..
صرنا رشيقين..
تسمعون بالكرش.. ما عاد نشوفها..
تسمعون بالبطن اللي لاصق في الظهر..
يوووووه في كل مكان نشوفه..
ناموا قريري العين الشعب بخير..
:
ابشركم طال عمركم شعبكم تطور..
استبدل البكاء بطعم الملح.. ببكاء بطعم الدم..
آآآآآآآآآآآآآآه يا حلو مذاقه..
جربتوا طعم الدم..
جربوه صدقوني بيعجبكم..
انا أقولكم وشلون..
نظفوا منازلكم من حليب الأطفال..
نظفوا جيوبكم من الفلوس..
ناموا ياقاداتنا ومخباكم فاضي..
خلوا زوجاتكم تصحيكم من النوم قبل الفجر..
وتقولكم أن اطفالكم ما عندهم حليب..
دقوا الشماغ ولفوا على جيرانكم..
دوروا سلف.. علشان تشترون حليب لاطفالكم..
الجميع بيطردكم ياقادة.. لأنهم طفارى
انسوا انكم قادتنا وأرجعوا للبيت..
بتدخلوا على أنغام بكاء اطفالكم..
عندها ستحتقرون انفسكم وانتم عاجزون عن اشباع اطفالكم..
عندها ستضمه وستبكي من القهر..
ستنزل دموعك وتحس بطعم الدم في حلقك..
:
تذكروا طال عمركم يوم حنا صغار وش كانو يقولون لنا..
كانو يقولون الرجال ما يبكي..
عيب تطلع دموعه..
كل اللي تعلمناه انقرض في عهدكم..
صرنا نصيح عادي..
البكاء صار ملازم لنا..
والسبب كومة لحم (أطفال ونساء) في رقبة الواحد..
يبكي لأنه عاجز عن توفير الحياة الكريمة لهم..
:
تدرون طال عمركم البكاء زين..
حنا جلوف ما نصيح الا بالعافية..
شكرا لكم لأنكم رققتم قلوبنا الجلفة..
:
بس ودي أقولكم شي قبل ما أروح أصيح..
تدرون وش معنى الرجل يبكي قدام زوجته وأطفاله..
معناها تساقط كل قيم الرجولة اللي تعلمناها في طفولتنا..
معناها إحساس المرأة بالانكسار وعدم الأمان..
معناها خنوووووع ما بعده خنووووع للظروف القاسية اللي وضعتونا فيها أطال الله عمركم..
الا من جد وش أخبار صندوق الفقر..
لا حس ولا خبر..
:
لا تشيلون هم طال عمركم حنا بخير..
ركزوا على فقراء لبنان والعراق..
سوووو لهم تبرعات وحملات..
حنا في ستين داهية..
اهم شي انتم تكونون مبسوطين..
:
مقدمه: ابنكم المواطن الـ (ملحط)..

17-12-2007, 10:34 PM

الله يعز المملكه ويصلح حال المسلمين

18-12-2007, 11:53 PM

اقتباس:

المشاركة الأصلية كتبت بواسطة .ღ. دايم السيف .ღ. سجل لمشاهدة الروابط

الله يعز المملكه ويصلح حال المسلمين

آآآآآآآآآآآآآمين

18-12-2007, 03:51 AM

بيقولك ماقصرنا دعمنااالرز والحليب!!

بعدين الزامل يقول كفاية تبذير....
سجل لمشاهدة الصور

البناني يعملك برمه وتدوخ ....سجل لمشاهدة الصور الي يقهر سواق السطحة "ابو كاسم".
شوهاظ يا زلمه سجل لمشاهدة الصور

لكن مقيوله "البقرة الحلوب".....!
سجل لمشاهدة الصور

اكثر الشعب ملحط ....

تحياتي لك

18-12-2007, 02:05 PM

عجيب والله....كأنك تكلم عن أفريقيا

أخاف انك تبالغ ؟

الله المستعان

20-12-2007, 02:09 PM

:sha6er:sha6er:sha6er
هذا الكلام فيه شىء من الصحه ولكن هناك أمور اود اضاحها
أن الملك لا يعلم بكل هذا فهم لا يوصلون له كل هذه الحقائق والملوك في هذا الزمن ليسو كعمر بن الخطاب رضي الله عنه كي ينزلو الى الشوارع والاسواق ويخالطو العامه
ومن ينقل لهم الامور التي تحصل في الشارع هو الحاشيه وللاسف معظم الحاشيه او كلهم يضعون المواطن في عيون الملك بانه المواطن العربي الوحيد المرفهه كل هذه الرفاهيه
وبعدين الفقر العربي بصور اعم (فقر سياسي)

للفقر لذه في عيون الهواميــــر
شوفو اشلون في فقرنا شاركونا
دينارهم يستنسخونه دنانيــــــر
ولوهو طلبناهم ماعطــــــــــــــونا
حسره قليل المال فكفوفهه غير
لوهو ذهب يمدي خذوه وخذونـــا
الله لايجزاء هك الطالع بخيـــــر
اللي عليه بعافيتنا احسدونــــــا
جونا شتات اصفر تلقفه الطيـــر
بلوا يليت بشـــــــرهم مابلونـــــا
طاوع معاهم من لقاء دهنه السير
وإلا وش اللي سكته يوم جونـــــا
ذقنا على ايديه هوان المشاويــر
ضيعه الله مــــــثل ماضيعونــــــا
وش صار فينا وش بعد باقي يصير
يافــــــــاهمين السالفه فهمونـــا
المشكله ياحبنــــــــــا للمعاذيــــر
والناس وصلو للقمر واسبقونــــــا
دايم نسوي للخيانات تبريـــــــــــر
والظاهر الخاين طلع كل ابونـــــا

:sha6er:sha6er:sha6er

17-07-2008, 05:23 AM

بارك الله فيك