اللابه ألي ساسها ساس كثران = أنا أشهد إنها رمز طيب ومهابه
يا مرحــــــبا حييت يا ولد نبهان = وحييت يا العساف نسل الذيابه
تحيتن تاصل الى حـــــــد لبنان = ثم اتعــداها ومعـــها زهابــــــه
حي الكثير ألي لاجوه ضيفان = راح يتلقاهم يا مرحـــــبابــــــــه
وحي الكثير ألي لا صار ديوان = من الدلــه الشقره عطــر ثيابـه
وحي الكثير ألي لا صار دخان = انشهد انه ما يسد بغيابـــــــه
هذا ترى تعبيـــــر ماهو بعنوان = ودي أوضح حب أهل وقرابـــه
يالابتي بالعين,بالقلب لك شان = يالابتي عالراس شيب وشبابه
هذي مآثرهم ذكرى ونيشان = عبر العصور الماضيه ومن أتابه
يحقلك تفخريا ذرب الايمان = اذا انشدوا شصلك من اي لابه!!
مسكين من ينشد عن أصل كثران = قد شفتلك ذيب(ن) كشر أنيابه!!
هذا ترا حنا لا حان ما حان = حـــنا معا الذيبـــان حــنا انتشــــابه
أما إذا جيتو بوقت الرخا لان = ما تلقى أوسع من صدره ورحابه
نلعب على الطاروق في كل الالوان = ونهيم لا دندن صوت الربابه
ترا هلك يا وليد على الخيل فرسان = من قبل لا يطلع لغم ودبابه
لهم تواقيع(ن)في عبر الازمان = هي كل ديره تلقى حضره جنابه
وختامها صلوا على خير عدنان = الهاشمي المصطفى من سرابه
هديه ,, ((ساس الكثير )),,
العرض المتطور
المواضيع المتشابهه
