شرفني مجموعة من ابناء قبيلة قحطان بزيارة لي في منزلي
ومعهم رجل عزيز على نفسي وطلبوا التدخل شفاعة في قضية طال امدها لدي جهة حكومية في المنطقة الشرقية
وسالوني عن احد المسؤولين هناك وقلت اعرفه وانا في حقيقة الامر لا اعرفه ولكن حياءا منهم
وطلبوا ان ارافقهم له لشرح بعض الامور التي يستوجب شرحها وعلي الفور اتجهنا الي الشرقية
وتذكرت احبتي هناك ومنهم ابن الخال / نايف . وفورا اتصلت به وسالني اين انت الان وكنا قبيل وصولنا للدمام
قد توقفنا في استراحة صديق لتناول العشاء وماهي الا لحظات واخي العزيز نايف متواجد معنا واثناء تواجدنا في المجلس
تكلم ابو محمد كلام موجه للقحاطين عن شخصي المتواضع وعن والدي واهلي كلام ينبط وفاءا واخلاصا ورجولة
وقال مااملك من مال وجاه تحت تصرفكم وفعلا يقول اخو ساره القول ويدركه وقد جاء في مقدمة القصيدة بعض مقاله اخي نايف .
وللمعلوميه خوال والدي ال شقيم و البصيص وخوال جدي عسكر ال باني وخوال جد جدي جميعان ال بتال .
هذا بناخينا وحنا خواله=خوال ابوه وجد جده جميعان
اليا برك للحمل شاله لحاله=وليا نخاني جيت للحمل شفقان
لكم نسوق الجاه في كل حاله=ولاخير في جاه قصر دون قحطان
يافاهمين القاف بجمل رساله=هذا كلام ن قيل من نسل قبلان
نايف مدرهم والمواقف مجاله=رمح ن مع الفزعات وللطيب نيشان
دونه منيف وذخر مرشد قباله=ومابينهم شيد من المجد بنيان
ونعم بخو ساره واله الشكاله=تنساق سوق ايعاز لجنود ميدان
رجل علي المحتاج سخر حلاله=تسخير صيد ن صيد من فرخ شيهان
يفداه عفن عاش عمره نذاله=عيت تبيه الارض روح ن وجثمان
ويفداه راع الهرج ترث الحثاله=اللي تفرق هرجته بين الاخوان
قلته وانا لا شك ادرك مقاله=وجزل المعاني ماتبي طول قيفان
وماقل دل وصادق المدح جاله=جاله مجال ابمدح من لام كثران
وصلاة ربي عد مارزم خياله=وعداد ماسالت من الوسم وديان
علي رسول الحق والحق قاله=احمد شفيع الخلق لاحل الاحسان
الشاعر والكاتب الصحفي العميد : خالد بن حمدي العسكر الحربي
قصيدة بالشيخ نايف بن مدرهم الكثيري
العرض المتطور
