مشاعر قبيلة الفضول تشيد بموقف زعيم العرب خادم الحرمين الشريفين

السلام عليكم ورحمة الله وبركاته
مشاعر قبيلة الفضول اللآمية الطائية
تشيد بموقف زعيم العرب خادم الحرمين الشريفين في قمة الكويت
صورها الشاعر / عبد الله بن محمد الثنيان الفضلي

يا شفت بالتلفاز طفل وأنينه = مسروقـةٍ أرضـه وماتاً الآمال
صهاينه عاثوا بدمه اودينه = غزة غزوها واهلكوا عجز وأطفال
مع الأسف بعض العرب ما تدينه = على الأقل وإلا نبي قول وأفعال
ماغير أبو متعب عروقه متينه = بالمؤتمر حث العرب طيب الفال
نعم .. نعم أوصار بثه بحينه = حميته ساسه من الجد والخال
وخيره على شعبه نعم عايشينه = واقع نعيشه قالها الخير بقبال
حاول وقرب بين الأديان لينه = والود منهاجه زعيم العرب نال
إنسان لكنه أسد في عرينه = ملاك بأفكاره ضرب فيه الأمثال
يعيش أبو متعب وطالت سنينه = وجزاه ربي بالفعل ألف مكيال
ولي عهده هو سنده ويمينه = سلطان وجه الخير للخير مدهال
يعيش أبو خالد ويبقى عوينه = له عند ربه والمخاليق منزال
يمد في يسراه خافي يمينه = وإلا يمينه دوم وبلٍ وهمال
وحنا الفضول بعهد ربي ودينه = إنا لكم بالعهد درعٍ وسربال
ولا أنا لحكامنا حافظينه = هم المداد لفكرنا جد واسمال
دم الولاء من أهلنا وارثينه = لآل السعود الدم يسري ولا زال
قولي خذيته من عميد الضعينه = د/ صالح كل ما قلت أنا قال
وكل القبائل لأمركم طايعينه = جيلٍ وراء جيلٍ إلى قصف الآجآل
حضره وبدوه لأمركم طايعينه = ومعاهدينه بغالي الروح والمال
وأروحنا لحكامنا بايعينه = وكل بعينه له خيالٍ وتمثال
أقولها والله عليم الكنينه = أقولها ماني بكاذب ومختال
شعرٍ يعبر عن مشاعر حزينه = وكثر الأسى يجعل على الكبد غربال
يا دمعةٍ بالعين عاشت سجينه = لا هي بلا عبرة ولا هي بهمال
قلبي من احزانة تبيح كنينه = ومن كثر ما شاف القهر قام يهتال
وقت تعدَّى والدقائق ثمينه = والعمر يجري وانتهت فيه الآمال
ياليتني ماني بساكن مدينه = شفي مع أهل الكيف وأذوق فنجال
والعود الأزرق بيننا دايرينه = في خايعٍ توه من الوبل قد سال
نور القمر يبعث معاه السكينه = وترتاح نفسٍ صبرها يا عرب طال
وابعد عن التلفاز وأخبار شينه = أشوفها بالعين وتضيق الحال
وصلاة ربي عدِّ رافع يدينه = يطلب من المولى توافيق وآمال
على الذي إنزل عليه السكينه = وأنزل عليه الله عمَّ والانفال

وسلاماتكم

صــ.ــ.ــح لـــ.ـــســـ.ـــاااان الــ.ــشـ.ـاااعر

يعيش أبو متعب وطالـت سنينـه

وجزاه ربي بالفعـل ألـف مكيـال

ولي عهـده هـو سنـده ويمينـه

سلطان وجه الخير للخير مدهـال

يعيش أبو خالـد ويبقـى عوينـه

له عند ربـه والمخاليـق منـزال

يمد فـي يسـراه خافـي يمينـه

وإلا يمينـه دوم وبـلٍ وهـمـال

وحنا الفضول بعهد ربـي ودينـه

إنـا لكـم بالعهـد درعٍ وسربـال

ولا أنــا لحكامـنـا حافظيـنـه

صح الله السانك ولاهنت

هم المداد لفكرنـا جـد واسمـال

صح السانك ويستاهل أبو متعب دوواين من الشعر