متأكد هالموقف مر عليك

مر علي هالموقف و متأكد انه مر عليكم لما يسألك واحد شصلك؟

وتجاوب عليه انك كثيري او فضلي او مغيري او من بني لام فـ يرد عليك شنو؟او اول مره اسمع فيكم!
فتقوم تشرحله وتعطيه الأسماء المشهوره اللي تنتمي للقبيله عشان يستوعب ان قبيلتك لها وجود

وبصراحه ما الومهم اللي ما عرفونا اللوم علينا لأن ما قدرنا انعرف الناس علينا لا تقولون حنا عارفين اصلنا وفصلنا وقليل من القبائل اللي وصل مواصيلنا بالماضي

الحين وينكم يا بني لام ؟ منو يحمل اسمكم ؟ لا وزير ولا نائب ولا قاضي ولا شيخ دين ولا شاعر ولا اديب؟ كلهم يحملون اسماء عوايلهم واسم القبيلة اندثر ولا يعرفه الا القليل

والله يا شباب جتنا هالامسيه على طبق من ذهب مثل ما يقولون ولازم نستغلها في ابراز اسم قبيلتنا الأم وفروعها الثلاثه

الحمدلله تنظيم الامسيه والدعايه لها قامت فيها اللجنه المنظمه للامسيه في منتدى الكثير

باقي دورنا حنا يا شباب ورجال بني لام من فضول وكثران ومغيره اننا نحضر الامسيه بأعداد كثيره ومهيبه تترس عيون الناس وتوريهم ان بني لام موجودين نبي حضور له هيبه ينقل لباقي القبايل هيبتنا وكثرتنا وتعاضدنا واجتماع كلمتنا وتاريخنا هل صعب اللي اطلبه يا شباب؟؟؟

اتمنى من البعض ان يتخلى عن السلبيه ويتصرف بإيجابيه تجاه قبيلته

..

كلامك يجرح ويداوي يابن العم .

ان شاءالله ابناء بني لأم فيهم الخير والحميه علي رفعت وصيت قبيلتهم .

وان شاءالله الحضور مبهر في ليلة العرس اللأمي ..

## يا كثر ما صار لي هالموقف صادق والله و ان شاء الله الامسيه تحقق اللي نبيه ويعطيك العافيه على الموضوع اللي يمس المشاعر ##

الحين وينكم يا بني لام ؟ منو يحمل اسمكم ؟ لا وزير ولا نائب ولا قاضي ولا شيخ دين ولا شاعر ولا اديب؟ كلهم يحملون اسماء عوايلهم واسم القبيلة اندثر ولا يعرفه الا القليل




والله انك صادق

عسى الله يجمع الشمل

قالها ارقى سنود


يالام لا لا يجيك الياس
..........................لك لايتن نارها حيه


وانا احى فيه الحماس يامحمد

القبائل الثانيه على بروزها وهى تسوى امسيات ومزاين وقومه وقعده

والى باط جبدى وقاهرنى الحسود الحقود السلبى لا قلتله شى قالك حنا معروفين ياعمى خلك واقعى منو يعرفنا حتى لام محد يعرفها يعرفون حاتم الطائى بس


والله ياربع مره واحد اسولف معاه وقلت له فضلى قال شنهم الفضول قلت له لامى قال ماعرف قلت له حنا نرجع لطى تعرف حاتم الطائى هذا نفس نسبنا قال اى حاتم الطائى معروف قلت له هذا ولد عمى

شقول يعنى بط جبدى


الامسية نجاحها من وجهه نظرى من نجاح بنى لام كافه بكل الاوطان


وفشلها يثبت فشل بنى لام بتوحيد صفوفهم وتعارفهم


والوعد قدام والحى ابيشوف 20 / 11

إلى الأمام يا لام

:>

..........

يعطيك العافيه على الموضوع

كلام واقعي

وان شاء الله راح نثبت للعالم وجودنا وكياننا عن قريب

الزمن هذا زمن الاعلام ويجب أن نستغله في رفع صيت القبيلة

سنثبت للخلق اجمع ان بني لام موجودة بعزم شباب بني لام الغيورين على هذا الكيان المنسي

سنثبت للخلق اجمع ان بني لام موجودة بعزم شباب بني لام الغيورين على هذا الكيان المنسي ولان هذا كان حلم كل لامي