مامت ياخالي
 

هذه الابيات المتواضعه رثاء للخال الشيخ مدرهم بن قبلان الكثيري

اللذي توفي يوم الاربعاءالموافق 30/5/1429 هـ


يالله يارحمن ياخير مـــــعـــــبـــــــــــــود***ياخير من يقدر ابحل المصايـــــــب

يالواحد المعبود يامنزل(ن) هــــــــــــود***يافارج(ن) للهم وقت النوايــــــــب

يارب ترحمنا وترحم لنا العـــــــــــــــود***ترحم عزيز القوم وقت النهايـــــــب

هلت دموع العين والصدر مكبــــــــــــود***من يوم حطوله اكبار النصايــــــــب

يالله تغفر له وتاجره بالـــــــــــــــــزود***ويرتاح في قبرن عسى فاله الطيـب

شيخ الوفا ياناس مافيه منقـــــــــــــــــود***مضلتن للربع و من كان هايـــــــب

شيخ(ن) شجاع ومنبعه منبع الجــــــود***شيخ الكرم والعز وقت الصعايـــــب

شيخ(ن) يواسي كل من كان به كود***ويعطف على من جاه يبغا الوهايـب

تعرفه في وقت المحن لا غدن ســـــود***ومشهور عند الناس ومن قال شايب

تنقاد له كل المناعير له قــــــــــــــــود***وحكيم في ربعه وللحق صايــــــــب

مدرهم زعيم اللام لاجاك منـــــشـــــــود***قله تعرفه والولد خير نايـــــــــــــب

امدرهم القبلان يانسل الــــــفـــــهـــــــود***يانسل قوم(ن) عدلو كل عايــــــب

مامت ياخالي وباقيلك اســــــــــــــــــــود***اسود الرجال اللي تحل الطلايـــــــب

والختم صلوا عد مااخضر من عــــــود***واعداد ماهبت هبوب الهبايـــــــــــــب

على شفيع الخلق في يوم موعــــــــــود***يوم الحساب تفر كل الصحايــــــــب

## الله يجبر مصابك وصح لسانك و يرحم خالك ويغفر له ويجمعك معه بالجنة ##

اللهم امين

ومشكور على مرورك يالفجر

صح لساااااانك



والله يرحم الفقيد ويسكنه فسيح جناته

صح بدنك يالحيص

ومشكور على المرور

يعطيك ربي العافيه

صح لسانك يا نديم القوافي

والله يرحمه ويجعل مثواه الجنة

اللهم امين اللهم امين

احسن الله عزائك ياالبناخي

بفقيد الجميع

العم مدرهم بن قبلان رحمه الله

صح بدنك
واسعدني مرورك يا الحد الرهيف

سعدة بمرورك يا واحد من الناس
يعطيك ربي العافيه