بمناسبة الزيارة الاولى لأبناء عمنا في الكويت الحبيبه
 

قم يا سعد يانديب المناعير = يا واحدِ لاضاق صدري نصيته
إعجل وعجل وخل عنك المعاذير = ما ينعذر مثلك لامني نخيته
عاير زيوت الجيب وزد فأالتواوير = وشيك على الماء وإنتبهلي إليته
نويتلي طرقه وشفي لها غير = ما قصدي الدنيا ومالاً بغيته
قصدي بني عمي رجالاً مشاهير = لشفتهم في بلاد جني وليته
صبيان لام اللي تهز الطوابير = اللي لهم فالمجد عزٍ لقيته
أهل الكويت أهل الدلال المباهير = قصدي زيارتهم وذا ما نويته
وإن كان طاعوني برايي أبشير = للي بتدمر ناصله وسط بيته
ناخذ ونعطي معه ماصار ويصير = يمكن نحقق مأب قلبي هقيته
وإختامها قلته وانا إبن المظاهير = نسل الشقيم اللي يكفيك صيته

صح لسانك يا بو محمد

صح السانك يابو محمد
ودايم علومك غانمه

كفو ياذيب المظهر

عزالله إنك وافي ياذيبان وتمنيت مخاواتك في هالرحلة لكن الظروف تحكم


وفقك الله ورعاك في حلك وترحالك

تقبل حبي ومودتي يالغالي

صح بدنك ياحمود

لام 6
حياك ربي
وإعلومك أنت كلها طيبه بارك الله فيك

هلا وغلا مليون بالمشير

والله أنت اللي دائم علمك غانم ياالذيب

وتراك معي دائم متنقل معي في حلي وترحالي كيف لا وأنت غالي القدر عندي
ودمت بعز وعافيه

نسل الشقيم اللي يكفيـك صيته

صح لسانك يابومحمد وماقول الا يحظ من يبي يخاويك

بس القصيده الثانيه نبيها ببوخالد وكحيلان

كفو والله

صح لسانك .. والنعم فيك وفي الشقيم كلهم

وعزالله انك ناصي لك مناعير

عزالله انها تحمّس حيل

وعساك على القوه .. والله يسهل دربك ويردك سالم


..